Ruffa sa relasyon nila ni Herbert: ‘Going through a bump, not speaking’

PHOTO: Instagram/@herbertbautista

KASALUKUYANG hindi nag-uusap at may pinagdadaanan sa kanilang relasyon sina Ruffa Gutierrez at Herbert Bautista.

Inamin ito mismo ng beauty queen-actress nang maging guest siya sa programang “Fast Talk with Boy Abunda” kasabay ng pagdiriwang ng Araw ng Kalayaan, June 12.

Unang inusisa ni Tito Boy si Ruffa kung nagli-live in na ba sila ng dating alkalde ng Quezon City.

Ang diretsahang sagot diyan ng aktres, “I’ve never lived with a person.”

Baka Bet Mo: Ruffa Gutierrez inamin ang relasyon kay Herbert: Always serious with him

“Hindi ako naniniwala sa live in,” paliwanag pa niya.

Kwento pa ni Ruffa, “Kaya ‘yung mga relasyon ko nagtatagal kasi may space. ‘Di ba, excited kayo to see each other? Kung everyday gumigising ka siya katabi mo, parang, ‘oh my gosh!’”

Kasunod niyan, ibinunyag ng celebrity mom na may pinagdadaanan sila ni Herbert, kaya hindi na muna sila nag-uusap.

“We’re going through a bump right now, and we’re not speaking. So, let’s see if that bump will last or we’ll speak again, I don’t know,” pahayag ni Ruffa.

Dagdag niya, “Well, I have been busy also, and he has other things that he should take care of as well when it comes to personal matters. So, maybe this is also a good time, cause it’s been five years since we first met again on the set of a project that we did.”

“So limang taon, so magandang space ‘to para makita natin kung itutuloy ba or ihihinto natin,” aniya pa.

Kung matatandaan last year, ni-reveal ni Ruffa ang real score nila ni Herbert sa YouTube interview with Karen Davila.

Nabanggit din niya na nagsimula ang kanilang love story nang magkasama sa seryeng “The House Arrest of Us” na pinagbidahan ng ex-couple na sina Kathryn Bernardo at Daniel Padilla.