Heart Evangelista umamin sa PBB: 1 taon din akong nagrebelde…I lost my way!
Heart Evangelista
NAGPAKATOTOO ang Kapuso actress at fashion icon na si Heart Evangelista sa pakikipagchikahan niya sa mga housemates ng “PBB Celebrity Collab Edition“.
In fairness, sa ilang oras na pananatili ng aktres sa loob ng Bahay ni Kuya bilang house guest ay marami rin siyang naibahagi tungkol sa kanyang personal life.
Nagkaroon ng Q&A session si Heart sa mga celebrity housemates at isa sa mga nagtanong ay ang Kapuso star na si Mika Salamanca, “Do you believe that you can never truly love someone if you don’t love yourself?”
Laugh muna ang wifey ni Sen. Chiz Escudero bago sumagot, “For sure, of course, you know…how vulnerable am I gonna get here? My God, inuman ba tayo? Tara. Wait lang!”
Pagseseryoso ng aktres, “Yes, you know, I think it’s not really a secret when I married, there is a time in my life that I feel like I lost my way.
“Nagrebelde ako. Umalis ako. Almost isang taon din akong nagrebelde.
“I wanted out because I felt like I wasn’t understood. Or ewan ko kung anong nangyari sa akin, siguro na-redirect din ako ng mga kasamahan ko.
View this post on Instagram
“I went into a path na parang, akala ko hindi na ako makakaalis du’n. But I definitely lost my way,” lahad pa niya.
Kung matatandaan, nagkaroon ng isyu sa kanilang married life sina Heart at Chiz noong 2022, at napabalita pa ngang nagkahiwalay na raw.
Pagpapatuloy ni Heart, “So I say this because I really had to go through a bad time. Siguro nu’ng bata ako, yung mga bad times ko, ayun, naaartehan sila sa akin, ganyan.
“Ito talaga, at the age of, how old was I, 37, 38 at the time. Medyo late siya nangyari sa akin, na I really had to love myself first,” aniya pa.
“I can’t keep pleasing you, I can’t keep making everyone happy. I can’t keep buying everybody something just to keep a friendship.
“I can’t… alam mo yun, yung parang… feeling mo, binibili mo na lang lahat ng tao para samahan ka kasi takot kang maging mag-isa,” saad pa ni Heart.
“E, ako, super fear ko yun, e. Takot akong maging mag-isa. So, ayan na…” ani Heart sa pagiging emosyonal. “Takot din ako na, my husband is 15 years my senior. So, parang, inuunahan ko na.
“Baka one day, maging mag-isa na lang ako sa buhay. So, ako na lang ang aalis kasi kailangan kong masanay maging mag-isa,” paliwanag ng aktres.
Dugtong pa ni Heart, “But during those moments is when I realized na, I love them as much as I love me. But I have to love myself first in order for me to give more love to others. So, yes, I do believe in that.
“So when it comes to the family, you know, be grateful, never forget your family no matter where life takes you. Never forget them. Give them what they need. Give them the necessities, the important things in life.
“But you have to put yourself first too, you know? Because if you don’t put yourself first too, one day, the reality hits.
“Kapag may nagkasakit. Pag na-ICU, di ba? Tapos sa dami mong binigay kung kani-kanino, when the time really matters, anong pambabayad mo du’n sa ospital?
“So it’s not just being selfish for yourself, but it’s also preparing for the really bad things. So yun, una mo yung sarili mo palagi,” chika pa ni Heart.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.