Robin Padilla, Joel Villanueva nagkainitan dahil sa impeachment ni VP Sara
NA-BAD trip si Sen. Robin Padilla sa kapwa senador na si Sen. Joel Villanueva kaya nagkaroon ng tensiyon sa loob ng Senado.
Ito’y matapos umanong kontrahin ni Villanueva ang inihaing resolusyon ni Sen. Ronald “Bato” Dela Rosa na idismis na ang impeachment trial ni Vice President Sara Duterte.
Baka Bet Mo: Robin Padilla: Kahit sunugin mo ‘ko, mangangamoy Rodrigo Duterte ako!
View this post on Instagram
Base sa mga kuhang video sa social media, mapapanood na inaawat ng mga kapwa senador si Sen. Robin habang tinitingnan mula sa kanyang kinaroroonan si Villanueva.
Makikitang nasa table lamang niya si Villanueva at maririnig naman na sinasabi ni Robin ang mga katagang “Oh, ano?”
Dito na rin inawat ni Dela Rosa sa Robin upang hindi na humaba pa ang hindi pagkakaunawaan ng dalawa.
Ngayong araw, June 10, sa plenaryo sa senado nagsimula nang pinag-usapan ang panunumpa ng senator-judges para sa pagdinig sa impeachment complaint laban kay VP Sara.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.