Misis ni Red Sternberg may hiling sa T.G.I.S. barkada para sa mga anak

Red Sternberg

RAMDAM na ramdam ni Sandy Sternberg ang pagmamahal at pakikisimpatya ng publiko sa pagpanaw ng kanyang asawang si Red Sternberg.

Sumakabilang-buhay ang dating Kapuso actor at “T.G.I.S.” star noong May 27 sa Amerika matapos atakihin sa puso. Siya at 50 years old.

Sa “Fast Talk with Boy Abunda”, kinumpirma nga na heart attack ang ikinamatay ni Red.

“Pumanaw po si Red noong May 27 sa Amerika kung saan na siya nanirahan mula pa noong 2007. Tatlong araw lang ito bago ang kaniyang kaarawan.

“He is survived by his wife Sandy at tatlo nilang anak. Kinumpirma sa amin ni Sandy na heart attack ang cause of death ni Red.

“Natagpuan niya si Red na nakahandusay sa sahig noong tumawag siya ng 911,” pahayag ni Tito Boy base sa ipinadalang mensahe ni Sandy.

Naging espesyal na bisita ng programa nitong Biyernes, June 6, ang mga kaibigan at kasamahan ni Red sa “T.G.I.S.” na sina Angelu de Leon, Bobby Andrews, at Michael Flores, na hindi napigilang maging emosyonal nang alalahin si Red noong nabubuhay pa ito.

Sa isang bahagi ng show ay binasa ni Tito Boy ang sulat mula kay Sandy na naglalaman ng kanyang mensahe para sa mga fans ni Red at sa “T.G.I.S.” barkada.

“To all the Red Sternberg fans and followers of ‘T.G.I,S.’ the outpouring of pictures and videos you shared were so touching. I feel your heartache and pain so much. It hurts.

“It’s like a wound that will never ever heal, the deep pounding of your heart that skips a beat, and the reality we all can’t accept is inescapable.

“Red and I got married 20 years ago. I still remember him getting off the computer and saying, ‘Eto na, sinisigaw ko na sa buong mundo na kasal na tayo.’ He was a simple guy. Our wedding bands were picked out in Ongpin.

“As a husband, Red was a planner. He was always ahead before I could even think it. He had a solution for everything by looking up in the ceiling as if the answers were all there.

“He was a computer geek. Everything had a spreadsheet. Red was a loving daddy to the girls and dada to our son.

“Our son being so young, he will only remember him through all of your posts. So thank you for keeping his memory alive.

‘To his ‘T.G.I.S.’ barkada, he’s had so many stories he shared with me. Mostly bloopers na parang yesterday lang talaga happened.

“Thank you for letting him be a part of your barkada. Someday, I hope you can tell the kids more stories.”

Kung matatandaan, sa panayam noon kay Red ng Kapuso program na “Tunay Na Buhay”, naibahagi ng namayapang aktor kung paano nagsimula ang love story nila ni Sandy.

Inamin din niya kung gaano kahirap ang naging buhay nila noon sa Amerika, lalo na yung panahong nagpapalipat-lipat pa sila ng bahay dahil sa kanyang trabaho.