Andi Eigenmann beast mode kay Crist Briand: Don’t use our daughter for clout
Ellie Ejercito, Crist Briand at Andi Eigenmann
HINIKAYAT ng mga netizen ang aktres na si Andi Eigenmann na kasuhan para maturuan ng leksyon ang vlogger na naglabas ng video ng kanyang anak na si Ellie Ejercito.
Nagpupuyos sa galit si Andi sa content creator na si Crist Briand dahil sa pagkuha nito ng video sa 13-anyos na anak nila ni Jake Ejercito nang walang parental consent.
Sinasabing labag din sa kagustuhan ni Ellie ang pagbi-video sa kanya ni Crist pero nagawa pa rin daw nitong i-post sa kanyang vlpg ang naturang content.
Banat ni Andi kay Crist, “Using minors your content is disrespectful and exploitative. My daughter made it clear that we will not be ok with you doing this.
“And she is clearly uncomfortable. Build your platform on integrity. Don’t use our daughter for clout,” ang mariin pang sabi ni Andi na ibinahagi niya sa Instagram.
Ni-repost naman ni Jake sa kanyang Instagram story ang naging pahayag ni Andi kung saan mababasa sa comment section ang mga bastos na reaksyon ng mga netizens.
View this post on Instagram
Unang naglabas ng kanyang galit si Jake laban kay Crist kasabay ng pagbabanta na pinag-iisipan na niyang gumawa ng legal action laban sa content creator.
“Crist Briand has deleted the video. Thank you to those who reported the video.
“Please continue reporting the page of this irresponsible clout chaser who ambushed a 13-year-old girl for views. I’m now in the process of exploring legal options,” ang caption ni Jake sa kanyang post
Kasunod nga nito ay sinabihan ng mga netizen sina Andi at Jake na ituloy na ang pagdedemanda laban sa kontrobersyal na vlogger para masampolan na ito.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.