Galit na galit na naman si Claudine Barretto. Kuda nga naman siya nang kuda pero wala namang pumapansin-pumapatol sa kanya.
Kung ano-anong atake ang ginagawa niya kay Raymart Santiago pero parang hangin lang namang dumaan ‘yun sa pandinig ng ama ng kanyang mga anak.
Inuupakan din niya si Gretchen, pero hindi naman siya direktang sinasagot ng nakatatanda niyang kapatid, ang kanilang inang si Mommy Inday ang ginagawang panghimagas ng sosyalerang aktres.
Nakakabuwisit nga naman ang ganu’n na galit na galit na siya, lumalabas na ang kanyang mga litid sa leeg sa matinding inis, pero wala namang nagbibigay ng atensiyon sa kanya.
Diretso na niyang nasasabing loser ang kanyang mister, umbagero at bastos, ganu’n na siya katinding magparating ng akusasyon ngayon laban kay Raymart pero deadma pa rin sa kanya ang aktor.
‘Yun ang dahilan kung bakit lalong nanggigigil si Claudine ngayon, bakit nga naman walang pumapatol sa kanya, samantalang halos magwala na nga siya sa galit?
Nasa korte na ang kanilang problema ni Raymart, dinidinig na sa husgado, pero bakit nga ba hanggang ngayon ay labas pa rin nang labas ng kung ano-anong akusasyon si Claudine laban sa kanyang mister?
Siguro nga ay naiisip ni Raymart na isang malaking kalabisan para sa kanya ang pansinin ang mga negatibong bagay, kaya sa halip na pansinin si Claudine, mas magandang idaan na lang nito sa pagdyi-gym ang kanyang panahon.
Lalong ikauulol sa galit ni Claudine Barretto ang ganu’n.
( Photo credit to Google )