EXCLUSIVE: Dia Maté aminadong buhay-‘Reina’ sa araw, pop star sa gabi

PHOTO: Instagram/@diaxmate

PARANG Hannah Montana lang ang peg ng ating Reina Hispanoamericana 2025 na si Dia Maté!

Sa exclusive interview ng BANDERA, inamin ni Dia na masayang-masaya siya sa journey ng kanyang buhay bilang international holder.

Nagagawa pa rin daw kasi niya ang kanyang passion bilang singer na kung saan ay buhay reyna siya sa araw at pagdating ng gabi ay pop star naman siya.

“So the journey as Reina has been amazing. I love having this title,” bungad ni Dia nang kamustahin namin siya sa kanyang queen title.

Paliwanag niya sa amin, “My responsibility as Reina is to promote Hispanic culture –not just in the Philippines but around the world.”

Baka Bet Mo: EXCLUSIVE: Dia Maté sa pagpili kay Regine para sa ‘INA’: Siya ang OG baklang babae!

Kasama sa plano ni Dia ngayong reign niya bilang Reina Hispanoamericana ang makapunta sa iba’t ibang bansa sa Asya para ipakilala ang ganda ng Hispanic culture. 

“So far, it’s a lot of planning and logistics, but going back to Latin America, I’m really immersing myself in different cultures in different countries there,” pagbabahagi pa niya.

At isa pa sa mga personal goals niya? Learning Spanish! 

“So when I go back, I’ll be more fluent in talking to them…and really getting into it and being semi-fluent or kind of fluent when I get there,” dagdag niya.

After niyan, inusisa rin namin kung may balak pa si Dia na sumali sa ibang pageants, tulad ng Miss World o Miss Universe.

“Ay wala na, at least for now!” sagot niya.

“Kasi I’m still really young and I’m only turning 24 this year…I’m not pressuring myself in joining in any pageant anytime soon, but right now I’m just really happy about me winning an international pageant and representing the Philippines,” esplika niya.

Ani pa ng beauty queen, “I always wanted to represent my country in some way and to be Miss Philippines is one of my dreams. So I already accomplished that, so I’m into other things for now.”

Pero teka, paano naman niya nababalanse ang pagiging singer at beauty queen?

“Well, it’s all about time management talaga,” sambit ni Dia.

“I like to tell people I’m playing Hannah Montana. Parang beauty queen ako by day tapos pop star by night, ‘yung ganun. So it’s really about scheduling properly,” chika pa niya.

At speaking of being a pop star, may bagong single si Dia na pinamagatang “INA” at naka-collab pa nga niya riyan ang Asia’ Songbird na si Regine Velasquez-Alcasid!

Nabanggit din ng young singer-beauty queen sa aming panayam na inihahandog niya ito partikular na sa The Golden Gays.

At kalakip nga niyan ang isang advocacy project upang matulungang magkaroon ng permanenteng tirahan at medikal ang mga elderly ng queer community.

“Of course with ‘INA’, we have the fundraising for The Golden Gays and we’re releasing a supplementary documentary for them…because other then just putting them on a music video, we wanted to really really give something just for them,” saad ni Dia.

At para sa fans ng musika ni Dia, may pasabog pa siya: “We’re releasing a single or two and then my debut album this year!”

Ang “INA” ay mapapakinggan na ngayon sa digital streaming platforms.

Isa itong moving tribute hindi lang sa LGBT community, kundi para na rin sa mga nanay, sa kababaihan, at sa mga hindi napapansin ngunit dakilang mga kwento ng buhay.