Alden Richards nakasama si Tom Cruise sa Korea: ‘Mission accomplished!’
PHOTO: Courtesy of Paramount Pictures
ISANG misyon ang tagumpay na nakamit ni Alden Richards matapos ma-meet at makasama ang Hollywood legend na si Tom Cruise!
Kamakailan lang, lumipad papuntang Seoul sa South Korea ang tinaguriang Philippine Box Office King para dumalo sa red carpet premiere ng “Mission: Impossible – The Final Reckoning” at diyan niya nakilala ang bida ng sikat na action franchise.
“Ethan meets Ethan…I have no words!” sey ni Alden sa kanyang Instagram post, kalakip ang video na ibinabandera ang nakaka-starstruck na pagkikita nila ni Tom.
Baka Bet Mo: LIST: Mga pelikula sa Mayo na may sari-saring kwento at aksyon
View this post on Instagram
Kung matatandaan, Ethan ang pangalan ni Alden sa “Hello, Love, Goodbye” at “Hello, Love, Again,” habang Ethan Hunt naman ang iconic na character ni Tom sa “Mission: Impossible” series.
Anyway, nagpadala sa amin ng pictures ang Paramount Pictures ni Alden, pati ng mga naging ganap sa nasabing event.
Diyan namin nakita na hindi lang pala meet-and-greet ang nangyari, napanood din mismo ng Kapuso star ang pelikula kasama ang buong MI squad.
Kabilang na riyan sina Hayley Atwell, Simon Pegg, Pom Klementieff, Greg Tarzan Davis, at ang direktor na si Christopher McQuarrie.
PHOTO: Courtesy of Paramount Pictures
Sa premiere, inihayag ni Tom kung gaano kahalaga sa kanaya ang bagong pelikula.
“This film is a culmination of the last 30 years of making this franchise. And I’m telling you, everything has led to this,” sambit niya.
Ang “Mission: Impossible – The Final Reckoning” ay mapapanood na sa mga lokal na sinehan simula sa Sabado, May 17.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.