PNP naka-‘full alert status’ na para sa araw ng Halalan 2025
Eleksyon 2025 - Bandera May 08, 2025 - 01:13 PM
INQUIRER file photo
NASA full alert status ang buong pwersa ng Philippine National Police (PNP) para sa napipintong araw ng halalan sa Lunes, May 12.
Sinabi ni PNP Spokesperson Brig. Gen. Jean Fajardo, aabot sa 160,000 na pulis ang magbabantay sa eleksyon, partikular na sa mga presinto.
Kabuuang 370 na lugar ang itinuturing na “areas of concern” at ayon kay Commission on Elections (Comelec) Chairman George Erwin Garcia, hindi na nadagdagan ang bilang.
Baka Bet Mo: Autopsy report ng 2 pumanaw sa NAIA accident inilabas na
Sa kabuuang bilang, 197 ang nasa “yellow category,” habang 136 naman ang nasa ilalim ng “orange category.”
May limang area ang nasa ilalim ng “red category” at dalawa ang nasa ilalim ng kontrol ng Comelec.
Kabilang na riyan ang mga bayan ng Datu Odin Sinsuat at Buluan na parehong nasa Maguindanao.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.