Kathryn, Nadine magsasama sa proyekto, fans excited na: ‘Two queens in one frame!’
Kathryn Bernardo, Nadine Lustre
FINALLY, matutupad na ang matagal na hinihiling ng maraming fans!
Magsasama na sa iisang proyekto ang dalawang award-winning actress na sina Kathryn Bernardo at Nadine Lustre.
Ang exciting news ay ibinandera mismo ng talent management na Star Magic sa social media sa pamamagitan ng isang pasilip.
Mapapanood sa 10-second clip ang nameplate ng dalawang artista na inilagay sa labas ng kanilang production tent.
Baka Bet Mo: Kathryn Bernardo tuloy ang swerte, binansagan na ring ‘Commercial Queen’
At sa dulo ng video, makikita ang clapperboard na may nakalagay na “Project Queens.”
Wala pang detalye kung ano nga ba ang aabangan sa upcoming project, pero ang nakalagay sa caption: “#ProjectQueens is ready to slay [crown emojis]!”
As of this writing, wala pang isang araw na uploaded ang teaser video, pero umaani na ito ng mahigit 2.2 million views.
Sa comment section naman, tila nagkagulo na ang supporters dahil matagal na nila itong nais mangyari.
Narito ang ilan sa mga komento na talagang ramdam ang kanilang excitement:
“Kathdine is happening!!! OMG”
“My two Queens in one frame [crying face, red heart emojis]”
“Omg! Our generation queens! [hands up, red heart emojis]”
“This is so iconic!!!! Been waiting for this to happen!!”
“Looking forward for this project…. YAY KATHDINE IS FINALLY HAPPENING!!!”
Magugunita sa isang interview ng isang magazine, inihayag nina Kathryn at Nadine ang kanilang paghanga sa isa’t-isa.
“I really admire how [Kath] stepped into her own power. She’s always been graceful and grounded, but there’s this quiet strength she carries now—like she’s fully owning her space. She’s inspiring a lot of women to do the same,” sey ni Nadine.
Hirit naman ni Kath, “[Nadine] is just very inspiring. I think there’s something powerful about a woman when she’s unapologetically being herself. I think she’s very authentic.”
Kung matatandaan, ang huling pelikula ni Kathryn ay ang romantic drama na “Hello, Love, Again” kasama si Alden Richards.
Si Nadine naman ay huling bumida sa Metro Manila Film Festival (MMFF) 2024 entry na “Uninvited” kasama sina Vilma Santos at Aga Muhlach.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.