Jessica Soho, Korina Sanchez nagkita sa Vatican, susunod na sa PBB Collab?!
Jessica Soho, Korina Sanchez
PINUSUAN at umani ng positibong comments ang litrato ng dalawang veteran broadcast journalist na sina Jessica Soho at Korina Sanchez.
Parehong nagtungo sa Vatican City sina Jessica at Korina upang mag-cover ng isinasagawang papal conclave roon para tukuyin kung sino ang magiging bagong Santo Papa.
Ito’y matapos ngang sumakabilang-buhay si Pope Francis noong April 21, 2025.
Sa pamamagitan ng official Instagram page ng magazine show ng GMA 7 na “Kapuso Mo, Jessica Soho”, ibinandera nga ang photo nina Jessica at Korina sa Vatican.
Baka Bet Mo: Vice Ganda binalikan ang rape joke kay Jessica Soho: They hate me…
Ang nakasaad sa caption ng post ay, “PBB Collab next edition na ba itu?
“HANDA NA BA KAYO?! I-KMJS NA ‘YAN!
“Korina Sanchez at Jessica Soho sa coverage ng Papal conclave sa Vatican.”
Sa mga hindi pa aware, ang phrase na “Handa na ba kayo?” ay ang tagline ng show noon ni Korina na “Rated K” sa ABS-CBN na naging “Rated Korina” nang lumipat siya sa TV5.
Ang “I-KMJS na yan!” naman ay ang sikat na tagline ng programa ni Jessica na “Kapuso Mo, Jessica Soho”.
Kasunod nito, si Korina naman ang nagbahagi ng photo nila ni Jessica together sa kanyang Instagram page na kuha rin sa Vatican.
Aniya sa caption, “G? Why not?
“Rain and sun meet as friends at the Vatican. Just as K meets GMA7’s icon, Jessica Soho.”
Halos lahat ng nabasa naming komento sa parehong IG post ay puro positive at marami ang umaasa na magkakaroon din ng bonggang collab ang dalawang premyadong TV host.
“Nakaka good vibes to! Sana nga mag collab sila soon. Abangers sigurado ang madlang pipol.”
“After PBB Collab, Sanchez-Soho na ang next na aabangan?!”
“Grabe!! Two icons!! Happy to see you both in one frame!!”
“1st time pic of the two great female anchors.”
“This proves how journalists, regardless of the competing networks they represent, can unite in the pursuit of truth and accuracy.”
“Both started as Sunday night magazine shows and for the last two decades they became part of Pinoy pop culture. They even aired at the same time on rival channels from 2012-19. Is this a sign of a collab?”
“Two pillars and legends in one frame.”
In fairness, matagal nang pinagsasabong sina Jessica at Korina bilang magazine show host, lalo na noong magkalaban pa sa timeslot ang kanilang nga programa.
Pero ilang beses nang sinabi nina Ate Koring at Jessica na wala silang away. Trabaho lang ang kanilang ginagawa at walang personalan.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.