Vice Ganda inendorso sina Kiko Pangilinan, Bam Aquino: Ibalik sa senado
Eleksyon 2025 - Bandera May 07, 2025 - 06:31 PM
PROUD na ibinandera ng Unkabogable Star na si Vice Ganda ang kanyang pagsuporta sa kandidatura nina Atty. Kiko Pangilinan at Bam Aquino sa pagkasenador.
Sa kanyang Facebook page ay ibinahagi niya ang videos kung saan matapang niyang ipinahayag ang pag-endorso sa dalawang senatorial aspirant.
Nitong Linggo, May 4, nagbahagi si Vice ng video kung saan makikitang nagbabasa siya ng mga “profile’ ng mga tumatakbo ngayong eleksyon.
Sa una ay tila puro palpak ang mga nakikita niya kaya napapatapon siya ng folder at napapa-react sa mga nababasa.
Baka Bet Mo: Vice Ganda binatikos dahil sa pag-endorso kay Benhur Abalos
View this post on Instagram
“Di pwedeng mawala sa Top 12 ang TAPAT at TOTOO,” saad ni Vice sa caption.
Sumunod naman na inendorso ng “It’s Showtime” sa pagkasenador si Bam Aquino.
Nitong Martes, May 6, isa reels ang in-upload ni Vice kung saan kinakanta niya ang “Bam Bam Bidam Bam” ng “King Imxge.
Makikita rin sa reels na kasama niya ang ilang “It’s Showtime” hosts gaya nina Darren Espanto at Ogie Alcasid.
“Ibalik sa senado ang matino at matalino. Bam Aquino, number 5 sa balota,” sey ni Vice Ganda sa huling bahagi ng video.
Bago pa man ang pag-endorso ng kilalang personalidad kina Kiko at Bam, nauna na niyang pinakita ang suporta kay former DILG Sec. Bengur Abalos.
Matatandaang noong nagdaang 2022 presidential elections ay nagbigay rin ng suporta si Vice kay Atty. Leni Robredo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.