Frankie Pangilinan nanawagan sa lahat ng mayor na suportahan si Kiko

Kiko Pangilinan, Sharon Cuneta at Frankie Pangilinan

SAYANG at hindi namin agad nabasa ang post ni Sharon Cuneta tungkol sa panawagan ng anak na si Frankie Pangilinan sa lahat ng mayor sa Pilipinas.

Humihingi ng suporta si Frankie sa mga alkalde sa buong bansa na iboto ang kanyang amang si Kiko Pangilinan bilang senador ngayong darating na Lunes, Mayo 12.

Sana ay nahingan ng reaction ang ama ni Frankie tungkol sa pagsusumamo ng anak para sa kanyang kandidatura sa nakaraang mediacon na handog ng Regal producers na sina Ms. Roselle Monteverde at Atty. Keith Monteverde nitong Lunes, Mayo 5.

Bahagi ng sulat ni Frankie, “Our family has stood by helplessly for several years now as the smear campaigns have persisted against him.

“The misrepresentations of his character are as heartbreaking as they are untrue—My father is a deeply humble, consistent man who keeps decades-old T-shirts and listens to disco music and makes it a point to attend all our sport meets, recitals, parent- teacher conferences.”

Ang caption ni Sharon sa panawagan ni Frankie, “Our dearest Kakie paused from completing all her graduation requirements and wrote this heartfelt letter for all the Mayors in our country to ask for their help for her Daddy.

“We are so blessed with the most loving, supportive children who are as devoted to us as we are to them! Thank you, Baba. We love you so very much.”

Nakakaaliw dahil pagkatapos i-post ni Sharon ang sulat-kamay na lihan ng anak ay nagkomento si Frankie.

“Mommy I am actively calling u right now on all of your numbers PLEASE ANSWER WAHAHAHHAH.”

Samantala, sa suportang ibinigay ng mag-inang Roselle at Keith kay Kiko ay sobrang nagpapasalamat si Sharon lalo na sa namayapang inang si Mother Lily Monteverde na noon pa ay bilib na kay Kiko kaya sa tuwing kumakandidato ito ay isa ang Regal matriarch sa nauunang magbigay ng suporta.

Nagbalik-tanaw si Shawie sa panahong medyo malusog pa siya, “Parang ang taba ko, hindi ako masyadong pinapansin na producers. Ang nagbigay sa akin ng project na ‘Mano Po’ (part 6) was Mother Lily.

“And then now, sa dami-dami ng nakasama ko, sa dami ng nakilala ko, isa lang nagsabi na, she was going to have a presscon with our showbiz friends for Kiko. And that’s Mother Lily’s daughter, Roselle.

“So we are grateful for the Monterverdes and we will never forget them.  My heart is still full, ‘pag sinabi mong Monteverde, parang abot-langit ang pangka-touch ko, pagka-touch namin,” sabi ng Megastar.

Hanggang sinabi ni Sharon na sana’y napayaman niya noon si Mother Lily na ibig sabihin ay sana gumawa siya ng maraming projects sa Regal noong kasagsagan niya sa paggawa ng pelikula.

Nasambit pa na “Sis” ang tawag niya kay Roselle dahil magkapatid ang turingan nila bilang ina naman ang turing niya kay Mother Lily.

Sabi pa ng Megastar, “Umpisa pa lang, tinutulungan na niya si Kiko. Tapos binigyan din niya ako ng project.  Kahit hindi ko sila nakasama from the beginning, so it means so much more.”

Sagot naman ni Roselle, “My mom has been an advocate for giving good governance for our country. As children of Mother, we just wanna continue the legacy that she left us because she loves this country a lot.

“Love din niya ang showbiz industry. Love din niya kayong lahat. We’re here to support Kiko because we believe in him.”

Anyway, isa-isang binanggit ng mag-asawa ang mga celebrities na sumusuporta sa kanila at labis silang nagpapasalamat sa kanila tulad nina Iza Calzado at Phi Palmos na dumalo rin sa mediacon para magbigay ng patunay kung bakit nila suportado si Kiko.

Kabilang din sina Vice Ganda, Darren Espanto, Enchong Dee, Ogie at Regine Alcasid,  Anne Curtis, Janine Gutierrez, Maja Salvador, Jolina Magdangal, Parokya ni Edgar, Robi Domingo, Nadine Lustre, mag-asawang Ryan Agoncillo at Judy Ann Santos-Agoncillo, Gary Valenciano, Piolo Pascual, Kuh Ledesma, Pinky Amador, Rivermaya, Nikki Valdez, Aya Fernandez, Pooh, Aiyana Perlas at marami pang iba.