Libreng sakay handog ng LRT, MRT mula April 30-May 3
LIBRENG sakay ang hatid MRT-3, LRT-1, at LRT-2 para sa mga commuter bilang parte ng selebrasyon ng Araw ng mga Manggagawa.
Sa isang video statement na inilabas nitong Martes, April 29, in-announce ni President Ferdinand “Bongbong” Marcos Jr. ang magandang balita para sa publiko.
“Nais kong sabihin sa lahat ng ating mga commuter ay inutos ko na para magbigay ng ating kaunting parangal sa ating mga manggagawa.
Baka Bet Mo: MRT-3 may libreng sakay para sa ‘solo parents’ ngayong April 26
Instagram에서 이 게시물 보기
“Ngayong Labor Day celebration ay maging libre ang sakay sa MRT-3, LRT-1 and 2. Ito ay mula April 30 hanggang May 3,” saad ng pangulo.
Umarangkada na nga ngayong araw, April 30, ang libreng sakay sa LRT-1, LRT-2, at MRT-3 para sa mga commuter.
Mula sa unang biyahe ng MRT-3 train na 4:30 AM sa North Avenue Station hanggang sa huling biyahe na 10:30 PM. Sa Taft Avenue naman ay magsisimula ang unang biyahe ng 5:05 AM at ang huling biyahe ay 11:09 PM.
Ang rutang tinatahak ng LRT-1 naman ay mula Fernando Poe Jr. hanggang Dr. Santos habang sa LRT-2 naman ang siyang nag-uugnay sa Recto Avenue, Maynila at Antipolo City sa Rizal.
Tinatayang nasa P80-M ang gagastusin ng gobyerno para sa pagbibigay ng libreng sakay sa mga commuter.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.