Jomari Yllana shookt sa video scandal ni Mark Anthony: Ang laki ng reaction ko!
Jomari Yllana, Robert Scott, Rikki Dy-Liacco, Eric Fructuoso at Mark Anthony Fernandez
WISH ni Jomari Yllana na magkaroon sila ng reunion project ng kanyang mga kaibigan na sina Mark Anthony Fernandez at Eric Fructuoso.
Napag-usapan ang tungkol sa phenomenal group ng tatlong aktor dati na Gwapings sa presscon ng Motorsport Carnivale 2025 na magsisimula sa May 4, sa Okada Manila, Parañaque City.
Ito’y collaboration ng Yllana Racing na pag-aari ni Jomari at ang Okada Manila kung saan magaganap ang tatlong kategorya ng intense na competition – ang Super Car, Muscle Car, at Vintage Car.
Ni-launch ang Motorsport Carnivale two years ago na ginanap din sa Okada kung saan nakatakda sanang mag-reunion sina Jomari, Eric at Mark Anthony.
Sa mediacon ng Motorsport Carnivale nitong nagdaang April 29, na ginanap sa Glass Ballroom ng Okada Manila, natanong nga si Jom tungkol sa posibleng reunion project ng Gwapings.
“Excited naman, kasi excited talaga. I wish some producer, there would, you know… could be, could be, more organized in, like, setting up something for us.
“As a small event, I’ll ask Tito Nestor (Cuartero, entertainment writer at talent manager) to invite Eric and Mark para magka-reunion kami. Tutal, nandito na si Abby Viduya!” ang chika ni Jomari na ikinasal nga kay Abby noong November, 2023 sa Las Vegas, Nevada.
View this post on Instagram
Nagkasama-sama ang mga miyembro ng Gwapings at si Abby sa Regal Entertainment movie na “Guwapings: The First Adventure” noong 1992 na idinirek ni Jose Javier Reyes.
Hirit pa ni Jom, “Mag-ano tayo, reunion tayo. Di ba, di ba? It would be nice. I would love to see us together in a photo.”
Huli raw silang nagkita at nagkausap ni Mark noong 2023, “I think I saw Mark last… parang ASAP na event, or one of Mr. M’s (Johnny Manahan) birthdays.
“Okay naman kami. Ganyan naman kami lagi. Bihirang magkita pero ang napapag-usapan pa rin, panahon namin. Puro kalokohan pa rin. Puro kalokohan pa rin nung panahon namin,” aniya.
Sundot na tanong kay Jom, nagkausap ba sila ni Mark noong kasagsagan ng isyu tungkol sa video scandal ng kaibigan?
“Baka i-quote ako! Siyempre, ang laki ng reaction ko! Sabi ko, ‘Anong nangyari diyan? Hindi ka naman ganyan kalaki nu’n!’ Joke! Maku-quote ako, di ba?” ang natawang sey ni Jom.
“Nagulat ako. ‘Anong nangyari?! Ganyan naman kami, mga alaga ni Douglas (Quijano, dati nilang talent manager) would always joke like that.
“Ganyan kami, make fun of each other. But dikit-dikit na yung mga pusod namin. Bihira lang kami magkita pero ganyan naman kami palagi,” chika ng aktor.
Samantala, mas bongga at mas pinalaki pa ang magaganap na Motorsport Carnivale 2025 sa May 4, Linggo, sa Boardealk and Gardens, ang seaside area, sa labas lamang ng Okada Manila.
Magsisimula ng 6 a.m. at tatagal hanggang 6 p.m. ang Super Sprint habang 7 p.m. naman ang Grand Car Meet: Legends of the ‘90s.
Pagsapit ng May 31, aarangkada naman ang Jom’s Cup, ang 1/8-mile drag racing challenge. Asahan ang maigting na labanan sa mga kategoryang Super Car, Muscle Car, at Vintage Car.
“We have prepared a couple of exciting motorsport events fir everyone. And I am proud to announce that we are going to put the Philippines back in the world map of motorsports, together with our sponsors.
“Our main sponsors, of course Okada Manila, we have found a home of motorsport on the biggest integrated casino in the country. Together also with the Parañaque LGU, and all our sponsors.
“I remember announcing wayback 2023 that we are going to wake up a sleeping giant. Now the giant is awake. Gising na gising siya, gutom na gutom at uhaw na uhaw.
“And we are preparing for it. The first event will be on May 4, followed by a series of events on May and June. And we are here as proud producers coming from the industry of automotive, motorsport, and entertainment.
“Gusto natin ibalik yung mga karera in the heart of Metro Manila. So I welcome everyone to Motorsport Carnivale 2.0!” ang tuluy-tuloy na chika pa ni Jomari Yllana.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.