Chito Miranda nag-react sa mga nagrereklamo sa ‘happy wife, happy life’

Neri Miranda at Chito Miranda

MGA ka-BANDERA, naniniwala ba kayo sa matagalnang kasabihan tungkol sa pagsasama ng mga mag-asawa na “Happy Wife, Happy Life”?

Iyan kasi ang sentro ng isang Instagram post ng OPM icon at Parokya ni Edgar frontman na si Chito Miranda na super happy pa rin hanggang ngayon sa piling ng kanyang asawang si Neri Miranda.

Kalakip ang litrato nila ni Neri, ibinahagi ni Chito ang kanyang saloobin tungkol sa linyahang “happy wife, happy life.” May mga nagsasabi kasi na “toxic” daw ang naturang kasabihan dahil parang mga wifey lamang ang pinahahalagahan dito.

“May nakita ako recently sa FB na mga lalakeng nagrereklamo tungkol sa line na ‘to.

“Lugi daw ang mga lalake. Toxic daw. Eto daw ang ‘most dangerous relationship advice ever given to men’.

“Dapat daw ‘Happy Spouse, Happy House’ o kaya ‘Stable Man, Strong Family,'” ang simulang pagbabahagi ng singer-songwriter.

Pagpapatuloy niya, “No offense, pero parang ang whiny eh…parang begging for respect and attention, wanting things to be more about them, instead of their wife.

 

View this post on Instagram

 

A post shared by Neri Miranda (@mrsnerimiranda)

“Parang ‘Uy…paano naman ako?’

“Maybe in some cases, I guess pwede maging ‘toxic’ or ‘unfair’ yung line (di naman kasi natin pwede lahatin) and what works for me might not work for everyone, pero for me, sobrang perfect advice yung ‘Happy Wife, Happy Life.’

“Kasi as long as I treat my wife right, take care of her and our kids, and make her happy, she treats me like a king, and takes care of me as if I’m the greatest thing na nangyari sa buhay nya…and that ‘vibe’ spreads sa buong family universe namin.

“Kumbaga, ‘alagaan mo lang wife mo, and she’ll take care of you and yung family nyo.’

“So, yeah…sobrang nainiwala talaga ako sa ‘Happy Wife, Happy Life,’ not unless you married someone who doesn’t appreciate you, no matter how hard you try to make her happy,” ang buong pahayag ni Chito.