Archie Alemania naghain ng not guilty plea sa reklamo ni Rita Daniela
NAGSUMITE ng not guilty plea ang aktor na si Archie Alemania sa kasong acts of lasciviousness na isinampa laban sa kanya ng Kapuso actress na si Rita Daniela.
Base sa inilabas na ulat ng “24 Oras” tungkol sa development ng kaso matapos ang nangyaring arraignment at preliminary conference noong Martes ng hapon, April 29.
Ayon sa report, ang gag order request ng kampo ni Archie ay pinayagan rin ng Bacoor City court.
Tumanggi naman ang aktor na maglabas ng pahayag o komento hinggil sa kaso nang hingan ito ng statement.
Baka Bet Mo: Rita Daniela umaasang matitimbog agad si Archie Alemania: Para sa hustisya!
View this post on Instagram
Samantala, nagsalita naman si Rita tungkol sa isinampang kaso laban kay Archie at sinabing alam niya ang katotohanan.
“I feel bad. I mean, ako, I know my truth and I know God is with me and kahit anong mangyari, kahit gaano pa katagal, lalabas at lalabas ‘yung totoo,” saad ni Rita.
Matatandaang sinampahan ng singer-actress si Archie ng reklamong acts of lasciviousness noong October 2024.
Ang umano’y pambabastos ng aktor kay Rita ay nangyari noong dumalo sila sa Thanksgiving party noong September 9, 2024.
Nang matapos umano ang party ay inalok ni Archie si Rita na ihatid ito pauwi na tinanggap naman ng huli sa pag-aakalang concern pang ito sa kanya bilang kuya.
Ngunit habang nasa byahe na sila ay doon na taw nagsimula ang paghawak sa kanyang balikat at leeg at naramdaman niyang ‘di na siya kumportable sa sitwasyon.
“I was confused [whether] he was just comforting me as an elder brother since I told him about what happened to my mother in our conversation inside his vehicle,” saad ni Rita sa kanyang complaint laban kay Archie.
Samantala, nagsampa ng counter-affidavit ang aktor laban sa reklamong isinampa laban sa kanya.
Noong March 2025 naman ay inirekomenda ng Office of the City Prosecutor ng Bacoor, Cavite ang pagtaas ng kaso sa korte o indictment kay Archie.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.