11 patay sa Lapu-Lapu Festival sa Canada, PBBM sa trahedya: I’m completely shattered!

INQUIRER photo

ISANG malagim na insidente ang yumanig sa Filipino community sa Vancouver, Canada kamakailan lang.

Umabot na kasi sa 11 katao ang namatay, habang marami rin ang nasugatan matapos araruhin ng isang sasakyan ang isang street party na nagdiriwang ng Lapu-Lapu Day.

Ayon sa pulisya na iniulat ng INQUIRER, ang insidente ay sinadya ng suspek na may problema sa pag-iisip.

Wala raw itong koneksyon sa terorismo, pero patuloy ang kanilang imbestigasyon upang matukoy ang motibo.

Baka Bet Mo: Lasing na 63-anyos na teacher nanampal, sinunog ng buhay

Nagsabi na rin ang mga awtoridad na maaaring tumaas pa ang bilang ng mga nasawi.

Ikaw pa ng Vancouver police, “This is the darkest day in our city’s history.”

Para sa kaalaman ng marami, ang Lapu-Lapu Festival ay taon-taong ipinagdiriwang ng Pinoy community tuwing April 27.

Ito ang kanilang paraan upang bigyang-pugay ang makasaysayang lider ng Pilipinas na si Lapu-Lapu.

This year, ang pagtitipon ay ginanap sa  Sunset on Fraser neighborhood ng Vancouver at ilan sa mga naging aktibidad nila ay ang pagkakaroon ng parada, film screening, sayawan, at concert na dinaluhan pa ng mga miyembro ng Black Eyed Peas.

Sa isang talumpati, halos maiyak si Canadian Prime Minister Mark Carney habang inaalala ang trahedya.

“Last night families lost a sister, a brother, a mother, a father, a son, or a daughter. Those families are living every family’s nightmare,” sey niya.

Maging si Pangulong Bongbong Marcos ay labis na nalungkot sa balita.

“I am completely shattered to hear about the terrible incident during a Lapu Lapu Day Block Party in Vancouver, BC, Canada,” sambit niya.

Dagdag pa niya, “On behalf of the Philippine Government and the Filipino people, Liza and I would like to express our deepest sympathies to the families of the victims and to the strong and thriving Filipino community in Canada.”

Tiniyak ni Marcos na ang Philippine Consulate General sa Vancouver ay nakikipagtulungan na sa mga awtoridad ng Canada upang masusing imbestigahan ang insidente at mabigyan ng suporta ang mga biktima at kanilang pamilya.

Nagpahayag din ng pakikiramay ang Department of Foreign Affairs (DFA), kasabay ng pangakong handa silang tumulong sa mga apektado.

Sa kanilang pahayag, sinabi ng DFA: “As we mourn the tragic turn of events, we remember the one million strong Filipino community in Canada and pray for their continued strength and resilience.”