Cristine, Marco naka-‘follow’ na ulit sa isa’t isa, nagkabalikan nga ba?

PHOTO: Instagram/@gumabaomarco

SA gitna ng mga usap-usapang hiwalay na sina Cristine Reyes at Marco Gumabao, kapansin-pansin na muli nilang fina-follow ang isa’t isa sa Instagram.

Ang tanong tuloy ng marami, nagkaayos na kaya ang dalawa?

Magugunitang nag-trending recently sa social media ang pag-unfollow ng dalawa na naging ugat ng breakup rumors.

As of this writing, kahit naka-follow na si Cristine ay wala pa rin ‘yung photos nila together ni Marco.

Baka Bet Mo: Marco tanggap ang pagiging single mom ni Cristine: ‘She’s very wife material, sobrang bait at walang arte’

Habang ang aktor naman ay hindi pa niya tinatanggal ang ilang sweet pictures nila ni Cristine.

PHOTO: Screengrab from Instagram

Hindi pa malinaw kung ano ang nangyari sa dalawa na kung bakit bigla sila nag-unfollow at makalipas ang ilang araw ay naka-follow na ulit sila sa isa’t-isa.

Anyway, bukas ang BANDERA sa pahayag ng couple upang linawin ang isyung ito.

Kung matatandaan, taong 2023 nang isapubliko nila ang kanilang relasyon.

Naging vocal pa nga si Marco sa pagiging inlove kay Cristine at ibinunyag pa na crush na niya ito noon pang 2015.

Last year lamang, inamin ng aktor na handa siyang mag-settle down kasama ang aktres.

Napag-usapan na nga raw nila ang magiging future nila sa kanilang relasyon.

Samantala, bago si Marco, si Cristine ay ikinasal sa mixed martial artist na si Ali Khatibi noong 2016 at may isa silang anak na si Amarah.

Pero last year, ibinunyag ng celebrity mom na annulled na sila ni Ali.

Si Marco ay kasalukuyang tatakbo bilang mambabatas para sa 4th district ng Camarines Sur.