Edu suportado si Heidi Mendoza sa pagkasenador: ‘Walang political dynasty!’

Edu Manzano, Heidi Mendoza

WALANG kaabog-abog na ipinahayag ni Edu Manzano ang buong suporta niya kay Heidi Mendoza na tatakbong senador sa darating na Halalan 2025.

“Kaunti lang ang mga babaeng nasa top ng senatorial surveys: Pia Cayetano, Abby Binay, Camille Villar, at Imee Marcos. Pero aminin natin, the choices? Kind of meh,” bungad ni Edu sa isang Facebook post kamakailan lang.

Patuloy niya, “Yes, they’re women. But do they represent us? Do they speak truth to power? Do they make us feel like we’re seen, protected, and worth fighting for? Or are they just women with famous last names, playing safe in the same broken system?”

Ayon sa TV host-actor, panahon na para pumili ng kandidatong hindi nakasandal sa kilalang pangalan, kundi sa kredibilidad, galing, at prinsipyo. 

Baka Bet Mo: Edu ibinuking ang mga ‘sikreto’ ni Maricel tungkol sa mga balikbayan box: ‘Nakakaloka ka pa ring kausap!’

“That’s Heidi Mendoza,” diin niya.

“Walang political dynasty. Walang padrino. Pero may tapang na humarap sa mga heneral, tumindig sa harap ng top government officials, at nagbulgar ng katiwaliang ikinabahala ng buong sistema,” pagbabalik-tanaw niya sa kasaysayan ng dating COA commissioner, partikular na ang matitinding testimonya nito noong 2011 laban sa ilang opisyal ng Armed Forces of the Philippines (AFP).

At kahit may banta sa kanyang buhay, hindi raw umurong si Heidi.

“And she didn’t just survive. She soared. The world took notice. The United Nations called her. She taught governments across continents about integrity, audit, and good governance. Not because she was well-connected, but because she was damn good,” dagdag pa ng aktor.

Dagdag pa ni Edu, “So no, not all women in politics are the same.”

“Some maintain the status quo. Heidi Mendoza challenged it. And she paid the price with her safety, her peace, her comfort. But never her dignity,” saad pa sa post.

Panghuling paalala niya pa, “This 2025, don’t vote for what’s familiar. Vote for what’s right… Heidi Mendoza. For women who never settle. And never back down.”

Bukod kay Edu, hayagan na ring nagpahayag ng suporta kay Heidi sina Ogie Diaz at Pia Magalona. 

Si Sassa Gurl naman ay dating supporter rin ng kandidata, pero umatras sa suporta dahil sa paninindigan ng senatorial candidate laban sa same-sex marriage.