Sue Ramirez sa relasyon nila ni Dominic Roque: Swak kami, ang saya lang!
Dominic Roque, Sue Ramirez at Diego Loyzaga
OPEN na open na ngayon ang Kapamilya actress na si Sue Ramirez sa relasyon nila ng dating aktor at negosyanteng si Dominic Roque.
In fairness, mas blooming at fresh na fresh ang awrahan ni Sue nang makachikahan namin siya sa presscon ng latest movie niyang “In Between” opposite Diego Loyzaga under Viva Films.
“Ang saya lang po sa totoo lang, walang pressure. Masaya lang kami lagi, lumalabas kami, we enjoy our time together, explore, go on adventures together, and eat the best food together,” ang pahayag ng aktres nang kumustahin ang estado ng relationship nila ni Dominic.
“I think the foundation of starting a relationship is finding out kung ano yung mga interest niyo. So far, swak naman yung interest naming dalawa,” sey pa ni Sue.
“Basta, I’m happy for myself,” ang sey pa ni Sue.
View this post on Instagram
At dahil may konek sa “alak” ang bagong pelikula ni Sue na “In Between”, ikinumpara ng aktres si Dominic sa “tequila”.
Ilan sa binanggit niyang tama ng tequila ay napapasayaw raw ang nakainom nito at nakakapag-init ng katawan. “Nakakapag init, huyy! Ha-hahahaha!”
Bago naging magdyowa, naging kontrobersiyal din ang breakup nina Sue at Dominic sa mga dati nilang karelasyon. Noong January, 2024 naghiwalay sina Dom at Bea pagkatapos ma-engage noong July, 2023.
November, 2024 nang kumpirmahin naman ni Victorias City Mayor Javi Benitez na break na rin sila ni Sue makalipas ang limang taong relasyon.
Samantala, feeling happy and grateful si Sue na nabigyan uli siya ng chance na makatrabaho si Diego Loyzaga sa “In Between.”
Una silang nagkasama sa “How to Love Mr. Heartless” na ipinalabas noong 2022, “The good thing about working again with Diego is nagkasama na kami sa ASAP chill out for a couple of years.
View this post on Instagram
“So every time we see each other, walang pagbabago, nagkukulitan pa rin kami. So ayun yung maganda about this project,” sabi pa niya.
“Our roles now are very different (from first movie). We both became matured in our roles. I know Diego better now. He’s now a dad, so I see his maturity.
“He loves taking care of his daughter, Hailey. He loves talking about her. Sobrang girl-dad ni Diego. He loves being a girl-dad,” aniya pa.
Ito’y mula sa direksyon ni Gino M. Santos, at kasama rin sina Pat Sugui, Lander Vera-Perez, Phoebe Walker, Benj Manalo, Guji Lorenzana, at marami pang iba. Showing na ang “In Between” sa May 7, 2025.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.