JK Labajo inalala mapait na paghahanap sa biological father: I was blocked

PHOTO: Instagram/@jklabajo-official

IDINETALYE ng singer-songwriter na si JK Labajo ang naging mapait na experience niya sa paghahanap sa kanyang biological father na si Oliver Stolz.

Sa panayam ng veteran journalist na si Karen Davila, sinabi ni JK na bata pa lamang siya ay hinahanap na niya ang kanyang ama.

Tinanong na raw niya ang kanyang lola, ngunit wala raw itong alam, pero ang kanyang ina naman, “[She] was a sneaky, sneaky woman. That woman knew a lot of things, but she brought it to her sleep. As in wala siyang shinare na details.”

Kasunod niyan, ibinunyag ni JK na nagkaroon lamang siya ng kaunting impormasyon tungkol sa German father nang dahil sa naitabing litrato at mga sulat ng kanyang lola.

Baka Bet Mo: JK Labajo hinamon ng suntukan si Richard Gutierrez sa ABS-CBN Ball?

“My lola gave whatever details she had – there was love letters between my dad and my mom. And then there was one photo of him. He went on a Bohol trip. We did all these different things that we could do in order to contact that phone number,” chika niya.

Taong 2011, nasa edad 10 si JK, nang sinubukan nilang tawagan ang numerong nakuha nila.

“May sumagot and it was a grown up woman –it was a German number in Munich – and then it was me and my lola on the line and we were like, ‘Hello? Is this Oliver Stolz’s number?’ then sabi ng woman on the other line, ‘Yeah this is, why? Who’s calling?’ then iniisip ni lola na huwag sabihin [na anak siya] kasi baka wife [‘yung sumagot]. Then sagot ni lola, ‘Long friend from the Philippines.’ Tapos sabi, ‘Oliver’s not here.’ Then I specifically remembered hearing kids in the background…After that, wala na, hindi na sumasagot,” paglalahad ng singer.

Pagdating ng 2021, desidido na si JK na subukang hanapin muli ang kanyang ama dahil may social media presence na siya.

“I remember posting it Instagram Stories…then this guy from Pampanga, his son followed me online, we got deep into this investigation. He was able to find my dad’s co-workers to confirm and he was able to find my dad’s number,” saad niya sa panayam.

Patuloy na kwento ni JK, “So I messaged him on WhatsApp…grabe ko ‘yung kaba ko ‘nung time na ‘yun. A few hours later my message was seen and then a little bit after that, I was blocked on WhatsApp.”

Sinubukan pa rin ni JK mag-reach out, pero wala na raw siyang natanggap na reply.

Sa kabila ng pait ng karanasan, pinili ni JK na tanggapin at tawanan ang mga nangyari: “All of these bad things we go through in life are things that when we look back we just laugh about it.”

Nang tanungin kung nais pa ba niyang bigyan ng pagkakataon ang ama, mariing sagot niya: “Not him anymore. No. Kasi after that, it was painful… And at the same time, it was kind of a closure.”

Si JK ay unang nakilala at sumikat matapos sumali sa TV singing competition na “The Voice Kids Philippines” noong 2014.

Lumaki siya sa Cebu sa pangangalaga ng kanyang lola at tito matapos iwan ng kanyang ama at pumanaw ang kanyang ina noong siya’y nasa edad 12.