Isay Sampiano, Buboy Villar at Angillyn Gorens
PALABAN at beast mode ang sisteraka ni Angillyn Gorens na si Veybillyn Gorens sa pambabasag kay Buboy Villar at sa bago nitong partner na si Isay Sampiano.
Pinalalabas ni Veybillyn na hindi nagsasabi ng katotohanan si Buboy pati na si Isay tungkol sa tunay na mga nangyayari sa kanilang personal na buhay, lalo na sa pagiging tatay ng komedyante.
Nauna nang nagsalita si Angillyn hinggil dito at hindi niya nagustuhan ang paggamit ni Buboy sa kanilang mga anak na sina Vlanz at George sa mga interview nito pati na sa mga YouTube vlog kasama si Isay.
Ito’y matapos ngang ibandera ng Kapuso comedian at host sa publiko na meron na siyang bagong dyowa na siya ring nanay ng ikatlo niyang anak.
Nangyari ang grand reveal sa latest episode ng podcast nila ni Tuesday Vargas, ang “Your Honor” na nagsilbi ring birthday episode ng show para sa komedyante.
Nag-celebrate si Buboy ng kanyang ika-27 kaarawan nitong nagdaang March 21, kaya naman naging mas espesyal ito matapos ang naganap na relationship at new baby reveal na three months old na ngayon.
Naiyak pa nga si Isay nang sabihin nitong may mga pinagdaraanan din sila ni Buboy sa kanilang relasyon pero nagpapasalamat din si Isay dahil tinanggap daw siya ng mga anak ni Buboy kay Angillyn.
Sey naman ni Angillyn, walang isyu kung may iba nang pamilya si Buboy pero ayaw niyang nagagamit ang kanilang mga anak sa mga vlog ng aktor at ni Isay. Bukod dito, nabawasan din umano ang sustento ng aktor sa kanilang mga anak at hindi na rin daw nito nadadalaw ang mga bata.
Kasunod nga nito, nagsalita na rin ang kapatid ni Angillyn na si Veybillyn sa pamamagitan ng socmed. Aniya, “1 month nyo hindi dinalaw ung mga bata tapos kahapon dinalaw nyo? hahahaha. kasi????
“Ganyan kayo kakups hindi nyo naaalala yung mga batang wala na nga yung nanay sa Pilipinas ikaw na nga lang anjan DAPAT para saknila TAPOS SASABIHIN NYO INSECURE YUNG NANAY?!
“KAHIT AKO NANAY NYAN MABABADTRIP AKO SA INYO. porke may bagong baby KINAKALIMUTAN NYO!? Ako ngang tita 2 times A WEEK KO PINUPUNTAHAN MGA ANAK NYO,” matapang na rebelasyon ni Veybillyn.
Patuloy na pagtalak ni Veybillyn, “BUNTIS KA PA LANG KINAUSAP NAMIN KAYO. napakabait naming humarap sayo at pakiusapan ka na wag na wag nyo pabayaan mga bata dahil tatay lang andito sa pilipinas
“Bigyan ng time at mahalin nyo yung dalawang bata. Maayos tayo nag usap usap tapos pag-uwi ni angillyn ng america ano nangyare??? WALA!!!
“Di kayo maayos kausap tapos LAKAS LUOB KA JAN MAG REPLY NG GANYAN. step mother ka nyan ha!? HAHAHAHA.”
Patuloy na revelation ni Veybillyn, “scripted” daw ang kuwento ng love story nina Buboy at Angillyn sa “Magpakailanman” na ipinalabas noong August 27, 2016.
Sabi ni Veybillyn, “LAPAG KO NA DIN. yung (magpakailanman) ni Angillyn at nung tatay ng bata SCRIPTED PO. at bayad sila dun.
“HINDI MASAMANG TAO MGA MAGULANG KO. Para sa pera dahil walang pera yung tatay ng mga bata nung mga araw na yun.
“Walang-wala sila nung mga araw na yun. Nanay ko pa nga nagbayad ng upa nila isang taon,” aniya pa.
Hirit pa niya kung bakit nagsasalita sila ngayon laban kay Buboy, “Syempre may mga magsasabi bakit need ipublic???
“Nag-brgy, nag-city hall na nga poooo sinagot sagot pa nanay ko nyan pero maayos ko pa rin kinausap yan. At bakit pinu-public? malamang sa interview, ganap na ganap sila kahit yan stepmom paiyak-iyak pang tanggap daw sya ng mga anak???
“Malamang wala nga silang alam kung sinoka at ano ka sa buhay nila eh. hahahaha!” sabi pa ni Veybillyn na nagsabing sinagot-sagot din umano ni Buboy ang 70-anyos na nanay nila ni Angillyn na siyang nag-aalaga sa dalawang anak ng komedyante.
Wala pang pahayag o reaksyon si Buboy hinggil sa mga naging pahayag ng magkapatid laban sa kanya at kay Isay. Bukas ang BANDERA sa kanilang panig.