Ivana Alawi, Dustin Yu kinakiligan, may chance kaya sa outside world?

MARAMI sa mga netizens ang nalungkot matapos ang tuluyang pag-exit ng Kapamilya actress na si Ivana Alawi sa “Pinoy Big Brother: Celebrity Collab” edition.

Nitong Sabado, March 15, tuluyan nang nilisan ng dalaga ang Bahay Ni Kuya dahil tapos na ang kanyang pagiging house guest.

Kasabay ng pag-alis ni Ivana at pagbalik sa outside world ay ang pagkalungkot ng mga netizens lalo na ang mga nag-aabang sa kulitan nila ng Kapuso artist na si Dustin Yu.

Marami kasi sa mga tagasubaybay ng bagong edisyon ng “Pinoy Big Brother” ang nakitaan ng chemistry ang dalawa dahil simpleng interaksyon nila ay talagang nakakakilig.

Baka Bet Mo: Ivana Alawi pinagsabihan si Charlie Fleming, matigas raw ang ulo?

 

View this post on Instagram

 

A post shared by Bandera (@banderaphl)

Habang nasa loob si Ivana ay madalas silang mag-asaran ni Dustin kaya maging ang mga housemates ay pinagtatambal sila.

Sa huling araw ng Kapamilya actress ay makikitang pinagsayaw sila para sa PBB theme song kung saan may parte na nagyakap ang dalawa.

Makikitang ngiting-ngiti sina Ivana at Dustin at maging ang mga kapwa housemates ay kilig na kilig sa dalawa.

Kasunod nito ay ang pagsagot ng Kapamilya star kung sino ang mga jojowain at totropahin niya sa boy housemates.

Inamin ni Ivana na jojowain niya si Dustin.

Maging ang yakap ng dalawa bago ang tuluyang paglabas ng aktres ay kinakiligan ng netizens.

Hindi naman nakaligtas sa mga netizens ang pag-follow ni Ivana kay Dustin nang makalabas ito.

“I think mas mag click silang dalawa in a real life,” saad ng isang netizen.

Comment ng isa, “Trust me may plot twist dito sa bahay ni kuya e balik c Ivana nyan. Hopefully.”

“Can’t wait to see you both outside grow!” sey naman ng isa.

May chance nga kayang mauwi sa pagiging mag-dyowa ang kulitan at closeness nina Ivana at Dustin? Abangan natin!