Billboard sa EDSA usap-usapan dahil sa pa-blind item na may ‘namamaalam’

ISANG misteryosong billboard ang biglang bumungad sa EDSA at tila naging usap-usapan na agad ng marami.

Tila may pa-blind item pa nga ito at hindi pa malaman kung isa ba itong artista o isang brand.

Agaw-pansin kasi ang pahayag na nakabalandra sa mata ng publiko na may katagang, “Paalam…2009-2025.”

Walang paliwanag, walang detalye – isang simpleng goodbye lang, pero malaki ang naging impact nito sa maraming Marites.

Maging kami tuloy ay na-curious kung ano kaya ang ibig sabihin ng viral billboard.

Baka Bet Mo: Jam Villanueva may pa-billboard sa EDSA, endorser na

Ilan sa mga tanong na aming narinig: “Pagtatapos ba ito ng isang era?,” “May artista bang mamamaalam?,” “May rebranding?”

Base sa taon na nakabandera sa billboard, 15 years itong nanatili bago mag-goodbye!

For sure, marami ang sumubaybay sa pag-angat at transformation niya, kaya dumating sa point na ilalagay pa sa EDSA ang kanyang pag-exit.

Narinig din namin na may matibay itong fanbase kaya nagulantang daw ang loyal supporters nang makita ang naturang billboard.

Ngunit ayon sa ating sources, ang pinag-uusapan ay para sa Luxxe White ng Frontrow.

Totoo nga kaya ang haka-haka na ito na ang huling beses nating makikita ang pangalang ito sa spotlight?