UMABOT na sa P65,000 ang pabuya sa makapagtuturo sa suspek na umano’y pumana sa aso sa Murcia, Negros Occidental.
Ibinahagi ng BACH Project PH Inc., isang nonprofit organization na naka-base sa Bacolod City ang sinapit ng aso na kinilala bilang si “TikTok” na nagtamo ng limang tama ng Indian arrow sa iba’t ibamg bahagi ng kanyang katawan.
Sa ngayon ay matagumpay namang naalis ang mga panang tumama sa mukha ng aso at sa binti at nasalinan na rin ito ng dugo.
Baka Bet Mo: Carla Abellana wasak ang puso, nagluluksa na naman sa pagkamatay ng alagang asong si Patchy Poo
Kaya naman kaugnay nito ay ang pagbibigay ng pabuya ng naturang organisasyon para mahuli ang suspek sa pananakit kay TikTok.
Nagbigay rin si Sen. JV Ejercito ng P15,000 bilang reward sa makapagtuturo sa suspek.
Kinondena naman ng Animal Kingdom Foundation ang ginawang pagpana kay TikTok.
“It’s extremely bothering and infuriating to think what was done to this dog. The amount of cruelty in this case is extreme! No animal deserves to suffer like this! And a human who is capable of doing such a brutal act is heartless and is certainly not in a right mind!” saad ng AFK.
Sa ngayon ay hindi pa rin natutukoy ang pumana sa aso.