Mavy Legaspi
BUMUWELTA ang Kapuso actor at TV host na si Mavy Legaspi sa mga nangnenega at nang-ookray sa kanya bilang co-host ng “Pinoy Big Brother (PBB) Celebrity Collab Edition”.
Tinaguriang “Kapuso Royal Tropa ni Kuya”, makakasama ni Mavy sa programa sina Alexa Ilacad, ang kanyang “partner in crime” at ang kapwa niya Kapuso star na si Gabbi Garcia.
Nag-post ng mensahe sa kanyang Instagram Stories si Mavy kung saan naglabas siya ng saloobin tungkol sa pagkakapili sa kanya para maging bahagi ng Kapamilya reality show.
Sa unang IG post ng twin brother ni Cassy Legaspi ay makikita ang mga litrato niya na kuha sa pictorial para sa makasaysayange edisyon ng “PBB.”
Aniya sa caption, “Thank you, Lord! I can’t wait to meet the housemates. Can’t wait to learn from the amazing PBB hosts. I won’t let any of you down. Ready to host.”
Baka Bet Mo: Ogie kampi kay Vice: This person takes it all for the team, love you Meme!
Ibinahagi rin niya ang photo nila ni Alexa Ilacad, “Forgot to mention my partner in crime as a PBB host! Alexa Ilacad we finally get to work together!! let’s do this!!”
Sa ikatlong post ni Mavy ay mababasa naman ang kanyang hugot para sa mga taong kumokontra at hindi naniniwala sa kakayahan niya bilang host.
“Thank you for all the love & support guys. It’s honestly so overwhelming. I’ll do my very best.
“I’ll take any constructive criticism moving forward and utilize it to become a better host.
“All the extra noice is just unnecessary, I suggest you keep it to yourself cause it doesn’t work on me.
“All love. Love, your newest PBB Host,
“Maverick.”
Samantala, pormal namang ipinakilala sa “It’s Showtime” si Mavy last Saturday, February 21, bilang co-host sa “PBB Celebrity Collab Edition.”
Kasabay nito ay naging judge rin siya sa “Sexy Babe” segment kung saan binati siya ng mga host ng show kabilang na si Vice Ganda.
Reaksyon ni Mavy, “I’m very excited actually na makilala yung mga bagong housemates na taga-Sparkle, of course Star Magic.
“And siyempre just to be a part of yung pinakasikat na bahay sa bansa, siyempre ang Bahay ni Kuya. I’ve been watching it since when I was a kid. Bata pa lang ako, nanonood na ako ng PBB.
“And now to be one of the hosts together with Gabbi, Kim, dapat Ate Kim pala, Kuya Enchong, Kuya Robi, Ms. Melai and of course, Bianca Gonzalez. I’m very excited na and, of course, the PBB Celeb Collab Edition. March 9 na yan,” pahayag pa ni Mavy Legaspi.