PHOTO: Instagram/@benandbenmusic
SAKTO ngayong seasons of love, naglabas ng nakakakilig na single ang Ben&Ben!
Ito ang “Tomorrow With You” na kauna-unahang opisyal nilang release ngayong 2025 under Sony Music Entertainment.
Tampok sa kanta ang tatag ng pagmamahal kahit sa gitna ng mga pagsubok sa buhay.
Sa isang pahayag, ibinahagi ng banda kung paano sila naimpluwensyahan ng mga taong mahalaga sa kanila sa paggawa ng awitin.
“Given that we have travelled quite far already in these dimensions, Tomorrow With You brings in the wisdom and maturity gained in these areas of our lives and channels it into a love song that embodies all of it,” paliwanag ng Ben&Ben.
Baka Bet Mo: Ben&Ben palaban, hindi na papayag maging biktima ng kasinungalingan
Kasabay niyan, inilabas din ang isang audio bundle na may kasamang live at studio versions ng kanta na parehong mapapakinggan sa Spotify.
“We poured different types of creative energy into both—one being a live performance and the other being a studio recording,” dagdag nila.
Bukod diyan, ibinahagi rin ng grupo kung gaano kahalaga ang live version ng “Tomorrow With You” na ayon sa kanila ay para raw itong mini-concert na mararanasan ng kanilang tagapakinig sa mas intimate na experience.
“The live performance was meticulously recorded during a concert that meant a lot to us and to our Liwanag [fans],” chika nila
Anila, “The event was a milestone after a year marred with many struggles, hardships, failures, and lessons. Quite literally, it was the embodiment of the lyrics in the song: Embrace hard times with you, ‘til they’re gone.”
Ang kanta ay may halong ‘70s singer-songwriter pop, jazz, at classic soul vibes na may waltz-like rhythm—perfect para sa mga gustong mag-relax kasama ang kanilang mahal sa buhay.
Si Petra Sihombing, isang Indonesian musician, ang nag-produce ng track.
Paliwanag ng Ben&Ben, “He was trying to achieve translating the earnestness of emotion and the steady buildup of the song in terms of dynamics and the frequencies highlighted, which we feel he did quite well.”
Patuloy pa nila, “It’s always a pleasure working with Petra. Additionally, Ziv, our friend who produced the other tracks in the album, laid down the saxophone part, which added a whole new nuance to the song.”
Ang “Tomorrow With You” ay bahagi ng bagong full-length album ng Ben&Ben na may title na “The Traveller Across Dimensions.”
Mapapakinggan na ito sa lahat ng digital music platforms sa buong mundo sa ilalim ng Sony Music Entertainment.