Bianca Umali shocked sa billing issue sa kanila ni Ate Guy sa ‘Mananambal’
Bianca Umali, Nora Aunor, Direk Adolf Alix, Jr. at ang iba pang cast members ng ‘Mananambal’
SHOOKT ang Kapuso actress na si Bianca Umali sa chikang pinapapalitan ng mas malaki ang billing niya sa pelikula nila ng Superstar na si Nora Aunor na “Mananambal”.
Halatang nagulat ang dalaga sa tanong na ibinato sa kanya hinggil dito sa naganap na presscon ng “Mananambal” nitong nagdaang Thursday, February 6, sa Viva Café.
Ang entertainment editor na si Jun Lalin ang nagtanong kay Bianca kung ano nga ba ang totoo sa tsismis na nag-request siya ng mas malaking billing sa poster at iba pang promo materials ng movie nila ng National Artist for Film and Broadcast Arts.
Sasagutin na sana ng direktor ng pelikula na si Direk Adolf Alix, Jr. ang isyu pero sinabi ni Bianca na, “May I speak first na po?”
“I am shocked by your question po, but I would like to handle it as professional as possible.
“I believe po the question is inappropriate for the event and also… hindi ko po alam kung ano ang nararamdaman ko because that is…I do not have any idea about that.
Baka Bet Mo: Nora muling napakanta sa ‘Pieta’; ‘mata-mata’ acting ni Alfred winner
“And I am worried about how people in this room might take it, hearing it from the representative from the press,” ang pahayag ng Kapuso star na kitang-kita ang pagkabigla sa nasabing question.
View this post on Instagram
Nilinaw naman agad ni JL (tawag namin kay Jun Lalin) na nais lamang niyang makuha ang side ni Bianca hinggil sa isyu para na rin maipagtanggol niya ang sarili at hindi na lumala pa ang intriga.
Ayon kay Jun una na niyang sinabi kay Tracy Garcia, ang talent manager ni Bianca mula sa Sparkle GMA Artists Center, ang tungkol sa billing issue.
“What I am after is maging malinaw kasi kanina nilinaw na ni Tracy. Kasi nu’ng Monday, may kumakalat na ganyang isyu. So, sabi niya, tanungin daw si Direk (Adolf).
“Tapos kanina, tinanong ko si Tracy, sabi ni Tracy mismo, ‘That’s not true. Hindi namin pinapapalitan. Yes, we requested na medyo lakihan. So, yun nga, medyo nilakihan nga siya,'” aniya pa.
Reaksyon naman ni Bianca, “Pasensiya na po, pero I would just like to clarify also na the opportunity to work with the Superstar, with our National Artist, is already a blessing.
“And it is an opportunity that I already knew na hindi ko po palalampasin. Being with her on set was a masterclass for me and was a dream I never thought I would achieve this early in my career.
“Kaya po yung makasama si Miss Nora is already enough,” esplika ng girlfriend ni Ruru Madrid.
Dugtong pa ng aktres, “Ako, bilang isang aktor and the love that I have for my craft, and the respect I have for myself and the industry, billing is not really… it’s a bonus.
“It is something …I don’t know internally, but ito pong question is something that I am not aware about and bonus na lang po yun.
“It is a recognition as to how people see and respect the way I do my work. Pero dito po sa pelikulang ito na Mananambal, napakatagal ko pong panahon na hinintay itong maipalabas dahil pinaghirapan po naming lahat ito.
“At marami pong pinagdaanan ang pelikulang ito. At ang maipalabas po ito at makita, lalo na po na ito ang pagbabalik-pelikula ni Miss Nora Aunor, is all that matters. Maraming salamat po,” saad ng dalaga.
Para naman kay Direk Adolf, “I think it would be unfair…yung idea po of billing with anyone, na artista po for that matter, siguro alam naman po nila na si Ate Guy deserves all the rightful billing being she’s an icon in the industry. Wala naman po sigurong magko-contest.
“Ang kanyang billing ay billing na nararapat sa kanya at sa mga iba pa pong artista na may history as a performer.
“So, hindi ko po alam kung saan nanggaling yun. Kami po ng producer namin, when we were designing the poster, alam naman po namin kung saan ilalagay at kung para kanino ang nararapat na tamang billing.
“Kasi, ako rin po bilang direktor, ayaw ko rin po na may naaapi o mayroong hindi tama doon sa billing. Kung ano po ang nakikita n’yo ngayon, ‘yan po yung tama at nararapat,” paliwanag pa ni Direk Adolf.
Showing na ang latest horror movie from Viva Films na “Mananambal” sa mga sinehan nationwide simula sa February 19. Kasama rin dito sina Kelvin Miranda, Edgar Allan Guzman, Jeric Gonzales, at Martin Escudero.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.