Gretchen Ho may sarili nang show, sino kaya ang bet ma-‘hot seat’?

PHOTO: Instagram/@gretchenho

VERY excited na ang broadcast journalist na si Gretchen Ho sa first-ever solo news program niya na pinamagatang “Morning Matters.”

Paglalarawan ni Gretchen sa latest milestone niya, isa itong “huge step” sa kanyang karera.

“This is the first time that I’ll be anchoring a solo show. Hard news, so it’s a huge step for me. Talagang napakalaking tiwala nila [sakin] na [aking] pinapahalagahan,” sey niya sa isang press conference.

Dagdag niya, “I’m excited to interview candidates in the upcoming elections and also to talk to sports and entertainment people. I guess I have a unique intersection because of where I come from, and now I got the chance to put them on one platform.”

Baka Bet Mo: Hirit ni Willie kay Gretchen Ho: Gusto mo tayo na lang?!

Nang tanungin naman siya kung sino-sino ‘yung mga kontrobersyal na personalidad ang nais niyang ma-interview sa kanyang show.

Ang sagot niya, “Gusto ko habulin ‘yung mga nagtatago. ‘Yung mga hindi magpapa-interview masyado. Katulad nila, Lito Lapid, Camille Villar, Philip Salvador.”

“‘Yung ating mga celebrities na nagiging politiko. Kasi gusto ko maintindihan bakit sila tumakbo,” paliwanag niya.

Chika pa ng journalist, “Coming from the entertainment world, like I said, I’ll have no judgment. I’ll come with an open mind.”

Aniya pa, “Gusto ko rin ma-interview si Pastor Quiboloy. Pati ‘yung mga batang politiko.”

Kung maaalala, si Gretchen ay sumikat bilang volleyball player bago pasukin ang mundo ng media.

Samantala, ang “Morning Matters” ay mapapanood tuwing umaga sa English news channel ng bansa na One News.

Ilan lamang sa mga tatalakayin diyan ni Gretchen ay ang trending topics, hot issues, at may interviews rin siya kasama ang ilang newsmakers.