Barbie Hsu umamin kay Kris, bet magkaroon ng 3 anak at mga apo

Barbie Hsu umamin kay Kris, gustong magkaroon ng maraming anak at apo

Ervin Santiago - February 05, 2025 - 12:05 AM

Barbie Hsu umamin kay Kris, gustong magkaroon ng maraming anak at apo

Kris Aquino at Barbie Hsu

MULING nag-circulate sa social media ang interview ng Queen of All Media na si Kris Aquino sa pumanaw na Taiwanese actress na si Barbie Hsu.

Nangyari ang exclusive na panayam ni Kris kay Barbie noong 2003 kung saan nakasama rin ng “Meteor Garden” star ang kanyang kapatid na si Dee Hsu.

Kung hindi kami nagkakamali, ito yung kasagsagan ng kasikatan ni Barbie sa Pilipinas dahil sa tagumpay ng kanyang Taiwanese series na “Meteor Garden” kasama ang Flower Four (F4) sa pangunguna ni Jerry Yan.

Base sa napanood naming video, 27 years old pa lamang si Barbie nang makapanayam ni Kris. Bumisita si Barbie sa Pilipinas that time para magpasalamat sa kanyang Pinoy fans.

Baka Bet Mo: Barbie Hsu nagka-epilepsy, may heart condition na ‘mitral valve prolapse’

Isa sa mga naitanong ni Kris sa magkapatid na Barbie at Dee ay kung paano nila nai-imagine ang kanilang mga sarili makalipas ang 30 years.

“What do you want to be when you’re 50 years old?” ang question ni Kris.

 

View this post on Instagram

 

A post shared by Bandera (@banderaphl)


Unang sumagot si Dee, “A happy woman, have grandchildren, a husband, and become grandma and granddad.”

Sundot na tanong ni Kris kay Dee kung gusto na nitong magkaroon ng business na sinagot ng sister ni Barbie ng, “No, I want to be a lazy but rich girl!”

Sagot naman ni Barbie sa unang tanong ni Kris, “I want to be shopping queen.”

Follow-up question ng TV host, “At 50, do you think you’ll still be in show business or you’ll be retiring already?”

Tugon ni Barbie, “Maybe I’ll be a grandma, and have many children. Maybe two or three. But they will have children too.”

Binawian ng buhay sa edad na 48 si Barbie dahil sa pneumonia na epekto ng tumama sa kanya na influenza.

Nagkaroon ng health issues noon ang Taiwanese actress at naospital nga dahil sa epilepsy.

Sa isang panayam bago ang kanyang pagpanaw, nabanggit ni Barbie na meron siyang history ng “mitral valve prolapse” at epilepsy.


Ayon sa isang health website, “mitral valve prolapse is a valvular heart disease characterized by the displacement of an abnormally thickened mitral valve leaflet into the left atrium during systole.

“It is the primary form of myxomatous degeneration of the valve. There are various types of MVP, broadly classified as classic and nonclassic.”

Sa katunayan, muntik na raw siyang mamatay nang magkaroon ng seizure nang ipanganak niya ang kanyang anak noong 2016.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Naulila ni Barbie Hsu ang kanyang South Korean husband, singer at DJ na si Koo Jun-yup, ang kanilang 10-year-old daughter at ang 8-year-old son niya sa kanyang ex-husband na si Wang Xiaofei.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.

What's trending