Labi ni Barbie Hsu iki-cremate bago iuwi sa Taiwan, pamilya nakiusap
Barbie Hsu
IPAPA-CREMATE ang labi ng pumanaw na Taiwanese actress at “Meteor Garden” star na si Barbie Hsu sa Japan bago iuwi sa kanilang lugar sa Taiwan.
Planong magsagawa ng memorial service ang family ni Barbie na mas kilala ng mga Pinoy bilang si Sancai o San Chai (karakter niya sa Meteor Garden), kapag nakabalik na sila sa Taiwan.
Ito ang naging pahayag ng nanay ng namayapang aktres na si Huang Chun-mei sa isang ulat kasabay ng pakiusap na irespeto muna ng media at ng publiko ang kanilang pagluluksa.
Hiling niya sa mga miyembro ng press na huwag na silang sundan at kunan ng litrato at video sa mga lugar na kanilang pinupuntahan para na rin sa katahimikan ng kanilang pamilya.
Baka Bet Mo: Taiwanese star Barbie Hsu hiwalay na sa asawang businessman
Base sa mga naglabasang report, nagbabakasyon si Barbie kasama ang kanyang pamilya sa Hakone, Japan kung saan sila nag-celebrate ng Chinese Lunar New Year last week.
View this post on Instagram
Sinumpong umano ng hika ang aktres noong January 29, kaya nagdesisyon siyang manatili na lamang sa kuwarto ng tinutuluyang hotel.
Ngunit bigla ngang lumala ang kundisyon ni Barbie kaya nagtungo na sila sa Tokyo last February 1 para magpa-check up. Dito na nga nalaman na meron siyang influenza kaya agad siyang binigyan siya ng gamot ng doktor.
Lumala ang kundisyon ni Barbie hanggang sa bawian na ng buhay sa edad na 48 dahil sa pneumonia na epekto ng tumama sa kanya na influenza.
Nagkaroon ng health issues noon ang Taiwanese actress at naospital nga dahil sa epilepsy.
Sa isang panayam bago ang kanyang pagpanaw, nabanggit ni Barbie na meron siyang history ng “mitral valve prolapse” at epilepsy.
Ayon sa isang health website, “mitral valve prolapse is a valvular heart disease characterized by the displacement of an abnormally thickened mitral valve leaflet into the left atrium during systole.
“It is the primary form of myxomatous degeneration of the valve. There are various types of MVP, broadly classified as classic and nonclassic.”
Sa katunayan, muntik na raw siyang mamatay nang magkaroon ng seizure nang ipanganak niya ang kanyang anak noong 2016.
Naulila ni Barbie Hsu ang kanyang South Korean husband, singer at DJ na si Koo Jun-yup, ang kanilang 10-year-old daughter at ang 8-year-old son niya sa kanyang ex-husband na si Wang Xiaofei.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.