Barbie Hsu nagka-epilepsy, may heart condition na ‘mitral valve prolapse’

Barbie Hsu
NAGKAROON ng health issues ang Taiwanese actress at “Meteor Garden” star na si Barbie Hsu at naospital na noon dahil sa epilepsy.
Nagluluksa ngayon ang mga tagasuporta niya sa Taiwan pato na ang mga fans niya sa Pilipinas dahil sa biglaan niyang pagpanaw sa edad na 48 “due to pneumonia from influenza complications”.
Naulila ni Barbie Hsu ang kanyang South Korean husband, singer at DJ na si Koo Jun-yup, ang kanilang 10-year-old daughter at ang 8-year-old son niya sa kanyang ex-husband na si Wang Xiaofei.
Sa isang panayam bago ang kanyang pagpanaw, nabanggit ni Barbie na meron siyang history ng “mitral valve prolapse” at epilepsy.
Baka Bet Mo: Barbie Hsu ng ‘Meteor Garden’ pumanaw na dahil sa pneumonia
Ayon sa isang health website, “mitral valve prolapse is a valvular heart disease characterized by the displacement of an abnormally thickened mitral valve leaflet into the left atrium during systole.
“It is the primary form of myxomatous degeneration of the valve. There are various types of MVP, broadly classified as classic and nonclassic.”
Sa katunayan, muntik na raw siyang mamatay nang magkaroon ng seizure nang ipanganak niya ang kanyang anak noong 2016.
View this post on Instagram
Ayon sa ulat, nito lamang January, 2025, nagbakasyon si Barbie at ang kanyang pamilya, kabilang ang younger sister niyang sk Dee Hsu, sa Japan.
Doon daw nagkaroon ng flu o influenza si Barbie at naospital hanggang sa magkaroon na ng pneumonia na naging sanhi ng kanyang pagkamatay nitong February 3.
Kinumpirma ng kanyang kapatid ang malungkot na balita sa pamamagitan ng isang statement: “Our whole family came to Japan for a trip, and my dearest and most kindhearted sister Barbie Hsu died of influenza-induced pneumonia and unfortunately left us.
“I was grateful to be her sister in this life and that we got to care for and spend time with each other. I will always be grateful to her and miss her!”
Sumikat si Barbie sa Taiwan at sa Pilipinas dahil sa seryeng “Meteor Garden” kung sina nakasama niya ang grupong F4 na kinabibilangan nina Jerry Yan, Vic Chou, Ken Chu, at Vanness Wu.
Ilan pa sa mga pinagbidahang proyekto ng yumaong aktres ay ang “Eternity: A Chinese Ghost Story,” “Corner With Love,” “Mars,” “On His Majesty’s Secret Service,” “Future X-Cops,” at marami pang iba.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.