Denise Julia, BJ Pascual
MAGPAPAHINGA na muna sa social media world ang singer-songwriter na si Denise Julia.
Ito ay matapos maging usap-usapan ang pagiging “unprofessional” ng singer na ibinunyag ng celebrity photographer na si BJ Pascual kamakailan lang.
Sa Instagram Story, inanunsyo ni Denise Julia na siya ay magde-detox sa digital world at babalik na lamang next year.
“Aaand that’s officially my last post for the year. Socmed break starts now. Detoxing from the digital world. Apps deleted, focus restored,” sey niya sa post.
Baka Bet Mo: Denise Julia ibinandera ang iba’t-ibang klase ng pag-ibig sa debut album
Aniya pa, “Will be back next year. I love you guys.”
PHOTO: Instagram Story/@denisejvlia
Going back sa na-mention namin sa umpisa, ni-reveal nga ni BJ sa podcast episode na “Bad B*tch Bible” with Killa Kush ang celebrity na maituturing niyang “worst person to shoot.”
Hindi siya nagpaawat at agad na pinangalanan si Denise Julia.
“Nang-gigigil pa din ako,” bungad ni BJ.
Kwento niya, “Si Denise Julia. I have heard so many things about her. I guess medyo kasalanan ko rin that I still took the job, and it was more like a passion project because her manager JV called me many times, like, would message me on Instagram, and so we had a meeting.”
Ayon pa sa celebrity photographer, ang dalaga mismo ang lumapit sa kanya upang makipag-collab sa isang album cover at music video.
Ngunit kinuwestyon daw ng team ng singer ang “expenses” kaya nag-cancel ito bigla day before ng kanilang shoot.
“Ang babayaran na lang nila is manpower and materials. There is no talent fee. This is charity work na,” chika niya.
Patuloy ng photographer, “Sabi ng manager ko, ‘They want to cancel daw the shoot.’ The reason was nag-flake daw ‘yung hairstylist nila.”
“Girl…This was already 10 PM. Ang call time namin is 6 AM (kinabukasan). Siya (Denise) 8 AM How many hours na lang before the shoot? We have been setting the set since 4 PM,” sambit pa niya.
Ibinahagi din ni BJ na tinanggihan din ng kampo ng dalaga na magbayad ng cancellation fee dahil ang sinasabi nila ay hindi pa sila natatapos sa kanilang negosasyon.
“Walang confirmation. Excuse me? It’s the day before the shoot. Kayo ‘yung nagpumilit to shoot on this day,” inis na sinabi ng photographer.
Aniya pa, “Nahihiya ako sa mga taong naabala. ‘Yung bayad na ‘yun sa kanila, pa-thank you na lang sa kanila kasi for the time and effort.”
Dahil daw sa nangyari, ibang celebrity raw ang kanyang na-shoot upang hindi masayang ang inihandang set sa araw na ‘yun.
“After that, I never heard from her. No thank you, no sorry, no anything. No, what happened. Nothing,” saad pa niya.
Matatandaan last year lamang nakilala si Denise Julia dahil sa kanyang hit single na “b.a.d.”
Pero hindi rin nagtagal ay nahaharap na siya sa ilang kontrobersiya dahil sa ibinabandera niyang “sexual objectification” at “queer baiting” sa kanyang musika at ilang pahayag.