HOW true ang kumakalat na chikang nanggalaiti ang Kapamilya actor na si McCoy de Leon nang malamang nagmo-MOMOL ang partner na si Elisse Joson at kapwa aktor na si Joshua Garcia?
Ayon sa latest episode ng “Showbiz Update” hosted by Ogie Diaz, Mama Loi, at Ate Mrena, namataan raw ang dalawa na nagmo-MOMOL noong nagdaang Star Magical Christmas 2024.
“May nagkuwento lang sa akin… na gaano katotoo na doon sa ballroom ay nag-MOMOL… ang term sa akin nag-MOMOL… kaya nga hindi ako makapaniwala na doon magmo-MOMOL sa ballroom sina Joshua Garcia at Elisse Joson.
“Sabi ko parang hindi ko naman makitaan na mayroon silang tencdency na mag-ganoon kasi kung ang dalawang tao ay may balak ng kaelyahan, didiretso ng kwarto yan,” saad ni Ogie Diaz.
Baka Bet Mo:KathDen fans kontra sa pagtatambal nina Kathryn at Joshua: Wag na wag!
Dagdag pa niya, hindi rin naman daw alam ng nagkuwento sa kanya kung saan dumiretso sina Elisse at Joshua pagkatapos.
“Eh ang kaso eto na. ‘Yung pangyayaring ‘yun, nakarating daw lay McCoy de Leon, ang dyowa ni Elisse.
“Hindi rin daw alam ng source ko kung kailan ngayon nag-bodyguard si Joshua Garcia… dahil ang kuwento sa akin may bodyguard na raw ngayon kahit saan magpunta,” chika pa ni Ogie.
Dagdag pa raw, ang rason ng pagkakaroon ng bodyguard ng aktor ay dahil nagalit si McCoy sa kanyang napag-alaman.
“Nakarating dito na nagka-something-an itong si Elisse at si Joshua. Syempre sa galit niya, parang napamura siya tapos napabanta pa. ‘Yung the usual na ‘Makita ko lang to sasapakin ko ito’.
Ngunit hindi raw sila sigurado kung ‘yun nga ba talaga ang sinabi ni McCoy at kung doon rin nagsimula ang pagkakaroon ng bodyguard ng aktor.
“Dapat malaman natin mula kay McCoy, kay Elisse, at kay Joshua Garcia kung ano ba ang totoo rito. Kung nagka-MOMOLan ba sa Star Magical Ball… Nagalit ba talaga si McCoy kay Joshua nang malaman ang nangyari sa dalawa?
“Sana namam hindi ito totoo kasi ito nga ang sinasabi ko, kung nakainom, walang problema basta sa tiyan ang punta at huwag rito [sa ulo]. Dapat iniisip n’yo ang inyong mga career,” sey ni Ogie.
Sa ngayon ay wala pang kumpirmasyon mula sa mga artistang sangkot sa isyu kung may katotohanan ito.
Bukas naman ang BANDERA para sa pahayag nina Elisse, Joshua, at McCoy hinggil sa isyu.