Arjo Atayde, Maine Mendoza, Ria Atayde, Zanjoe Marudo at Sylvia Sanchez
PURING-PURI ng award-winning actress na si Sylvia Sanchez ang mga asawa ng kanyang dalawang anak na sina Arjo at Ria Atayde.
Kino-consider ng Kapamilya star ang kanyang sarili na maswerteng mother-in-law sa kanyang mga manugang na sina Maine Mendoza, wifey ni Arjo at Zanjoe Marudo, ang husband naman ni Ria.
Ayon kay Ibyang (palayaw ng aktres), feeling lucky siya sa kanyang in-laws dahil bukod sa mababait at responsableng asawa ang mga ito ay talagang marespeto rin sa kanilang buong pamilya.
Nagkuwento si Sylvia tungkol sa ugali ng kanyang mga manugang sa panayam ng “Fast Talk with Boy Abunda” nitong nagdaang Biyernes, October 25 at okay na okay naman daw ang relationship niya kina Maine at Zanjoe.
Paglalarawan niya kay Maine, sobra raw itong mahiyain nang unang beses na magpunta sa bahay nila, “Du’n ko nakita, kasi sinasabi nila suplada, Kuya Boy, nami-misinterpret si Maine.
“Sobra siya talagang mahiyain. Kung alam lang nila. May mga nagsasabi sa ‘kin, suplada, hindi. ‘Wag n’yo i-judge ‘yung tao kasi nakita ko siya e, nag-usap kami,” pahayag pa ni Sylvia.
Chika ni Ibyang, noong first time raw na dinala ni Arjo si Maine sa bahay nila ay halos 15 minutes daw itong nasa labas lang dahil nahihiya raw sa kanya.
Dito raw napatunayan ni Sylvia na introvert si Maine, ibang-iba raw kapag napapanood niya ang aktres at TV host sa “Eat Bulaga.”
“Ako mismo, na-experience ko. Sabi, ‘Mommy, nahihiya pa, sandali lang.’ ‘Halika na, sige.’ Lumabas si Arjo, pagbalik niya, ako na sumalubong. ‘Hi, Maine!’ Niyakap ko na, sobrang lamig,” sey ni Sylvia.
Samantala, tulad ni Maine ay mahiyain din si Zanjoe sa tunay na buhay pero simula pa lang daw ng relasyon ng aktor at ng anak niyang si Ria ay gusto na niya ito.
“Mabait kasi, kasama ko kasi ‘yan, nakakatrabaho ko, nakakasama ko sa trabaho. Swerte ako bilang mother-in-law dahil meron akong Maine Mendoza na daughter-in-law, at Zanjoe Marudo na son-in-law,” pagmamalaki ni Sylvia.
Sa tanong naman ni Tito Boy kung anong klase naman siyang biyenan, tugon ni Sylvia, “Ay, okay naman. Gusto ko lang si Z (Zanjoe) at si Maine ang magsabi niyan pero okay kami.”