PHOTO: Instagram/@lovipoe
BUKOD sa pagiging bida, proud na proud din as producer ang award-winning actress na si Lovi Poe sa pelikulang “Guilty Pleasure.”
Naitanong tuloy siya ng showbiz insider na si Ogie Diaz kung sino ang inspirasyon niya sa tinatahak na bagong karera?
Ayon kay Lovi, marami siyang hinahangaan at isa na raw riyan ‘yung kanyang ama –ang yumaong legendary actor na si Fernando Poe, Jr.
“Sa kanya ko nakita na he would produce his own stories, kasi nga marami siguro siyang ideas na gusto i-execute,” sey niya.
Nabanggit niya rin ang dating on-screen partner na si Coco Martin: “Kasama ko siya sa ‘Batang Quiapo,’ pinapanood ko siya kung paano niya i-handle lahat. Parang he’s wearing so many hats –siya ‘yung actor, director, producer.”
Baka Bet Mo: Lovi Poe ‘sinita’ ng dyowa nang mahuling sweet-sweetan kay Piolo Pascual
Kasunod niyan ay ipinaliwanag ni Lovi na malayong-malayo ang pagiging producer kumpara sa pagiging aktres.
“Kasi pag actor ka, you come prepared, you know your lines, alam mo ‘yung character mo…you should know everything as your character. Pero producing is a whole different story and yes, pinasok ko ‘to and I’m ready to it kasi ang dami kong idea, ang dami kong stories that I want to tell,” esplika niya.
Sinabi rin ng aktres na ang number one priority niya ngayon ay ang passion niya sa “storytelling.”
Kaya rin daw nag-partner sila ng kanyang mister na si Monty Blencowe at nagtatag ng sariling production company na tinawag nilang “C’est Lovi Productions” at para sa layunin nilang makapagkwento ng iba’t-ibang storya na may kabuluhan sa maraming tao.
“I feel like storytelling is such a big tool in raising awareness and you know, just like telling stories of people. Kasi parang ang sarap ng feeling na you get to tell stories of random people you come across with. It doesn’t necessarily have to be about you. ‘Yun siguro ‘yung passion ko for that,” wika niya.
Dahil diyan, biglang inusisa ni Ogie ang tungkol sa pagkakaroon ng anak at pagbuo ng sariling pamilya.
“Well, if it happens, it happens…We’re not stopping it from happening. If it happens tomorrow, then it will be great. So we’ll wait and see,” sambit ni Lovi.
Patuloy pa niya, “Kasi if it’s God’s plan, it’s God’s plan din for us and I’m excited for that to happen din, but along the way, there’s a career that I would like to pursue. There’s so many things that I want to grow as an individual, and also for us as a couple.”
Naitanong na rin ni Ogie ang pagkakaroon ng Long Distance Relationship (LDR) ng couple sa gitna ng kanilang busy schedule.
“Pumupunta siya dito. He comes here siguro kapag sobrang [tagal] ko na dito. Ang tagal ko rin kasi minsan dito sa Philippines, and siyempre, ang dami kong commitments and that’s when he flies here,” chika ng aktres.
Aniya pa, “Buti nalang my husband is so understanding and very secure and supportive. Sobrang swerte ko.”