Justin Soriano, Pia Wurtzbach
DINIPENSAHAN ng controversial makeup artist na si Justin Soriano si Miss Universe 2015 Pia Wurtzbach kaugnay sa kumakalat na chikang nagnakaw ito ng “contacts” upang makapasok sa fashion industry.
Sa comment section sa isang Instagram post ni Pia, sinagot ng dating makeup artist ni Heart Evangelista ang isang basher na sinabihang nandaya umano ang beauty queen upang makakuha ng “connections.”
Ayon kay Justin, ang nasabing rumors ay para lang mag-attract ng “hate” sa beauty queen-actress.
Nilinaw rin niya na matagal nang “well connected” si Pia sa nabanggit na industriya dahil dumalo na ito dati sa ilang fashion shows noong nagrereyna pa siya sa Miss Universe.
“Pia never ever stole any contacts or whatever. Especially us, her glam team,” sey niya.
Baka Bet Mo: Maricar Reyes muntik ‘mabulag’ dahil sa contact lenses, anyare?
Paliwanag niya, “We are only [her] glam team and we are not acquainted nor close to any PR officers (of fashion houses). Also Pia is Pia! She has walked the runway in New York when she was Miss Universe. She already attended a lot of fashion shows in New York way back [in] 2015.”
“That cheating thing is actually invented so people can draw hate towards Pia,” esplika pa ng makeup artist.
“It’s a good thing that when brands hear or read these, all the more that they show love to Pia. The universe is really so powerful. [You] throw hate? The hate goes back to you,” wika pa ni Justin at binanggit na matagal nang kaibigan ni Pia ang fashion heavyweights na si Imran Amed at supermodel na si Natalia Vodianova na ang asawa ay ang Dior executive na si Antoine Arnault.
Tanong pa niya sa hater, “So why steal contacts when she is well connected.”
PHOTO: Screenshot from Instagram/@piawurtzbach
May komento rin si Justin na inilarawan niya ang kanyang sarili bilang isang “Pia warrior” at ang nasabing chika ay halos isang taon nang kumakalat.
“Knowing how it works in [the] PR world. Even if you know the contact person [HQ] will be the one to approve,” dagdag niya.
Aniya pa, “Honestly, I don’t mind the bashing because that’s part of life. Hopefully though karma won’t come back to haunt their family.”
PHOTO: Screenshot from Instagram/@piawurtzbach
Kung matatandaan, nagkaroon ng falling out si Heart at ang dati niyang glam team dahil sa chikang pangit daw na ugali at hindi magandang pagtrato ng fashion icon sa grupo.
Bukod dito ay nabalita ring ginamit at sinagad ang credit card limit ni Heart nina Justin at hairstylist na si Jeck Aguilar para sa personal nilang pangangailangan.
Hanggang ngayon, wala pa ring malinaw na dahilan sa mga nangyaring isyu at kontrobersiya.