PHOTO: Instagram/@hilaryduff
LUMALAKI na ang pamilya ng American singer-actress na si Hilary Duff!
Isinilang na niya kasi ang ikaapat na anak sa mister niyang American singer-songwriter and DJ na si Matthew Koma.
Sa Instagram noong May 8, ibinandera ni Hilary ang ilang emotional moments nang manganak siya sa pamamagitan ng water birth sa kanilang bahay.
Ang ibinigay niyang pangalan sa bagong baby –Townes Meadow Bair.
“Now we know why she made us wait so long. She was perfecting those cheeks!” caption niya, kalakip ang ilang black and white photos.
Baka Bet Mo: Kyla muli na namang nakunan: I can’t even put my feelings into words
Wika niya, “I have been dreaming of holding you in my arms for months, and the past 5 days of getting to know you, stare at you, and smell you have been pure moments of magic.”
Aniya pa, “We all love you like you’ve been here all along, beauty.”
Si Townes ay may dalawang big sisters na sina Mae at Banks, at big brother na si Luca na anak ng aktres sa dating asawa na si Mike Comrie.
Ito ang ikatlong pagkakataon na nanganak sa bahay ang 36-year-old actress-singer.
Kung matatandaan noong 2022, sinabi ni Hilary na mas bet niyang manganak sa sarili niyang tahanan kaysa sa ospital dahil kasama niya ang buong pamilya.
“You’re bringing a baby into the world; that’s some of the hardest work anybody can do,” sey niya.
Patuloy ng celebrity mom, “And they don’t let you have water in the hospital, food, or snacks, and you’re about to work the hardest you’ve ever worked to push a baby out.”
“It’s kind of the most hippie-dippy thing about me to have my kids around while I’m birthing,” saad ni Hilary.
Paliwanag pa niya, “At first, I thought it was really weird, but it was beautiful to bring another member in with everyone around.”
Maliban kay Hilary, ilan pa sa mga Hollywood celebrities na nakaranas ng water birth ay sina Jennifer Connelly, Julianne Moore, Demi Moore, Cindy Crawford, at Meryl Streep.