Dennis Padilla, Gerald Anderson at Julia Barretto
FEELING naman ng veteran comedian na si Dennis Padilla ay never igo-ghost ni Gerald Anderson ang anak niyang si Julia Barretto.
Naniniwala ang komedyante, base na rin sa mga nababalitaan niyang relasyon ng celebrity couple, na hindi magagawa ng hunk actor sa kanyang anak ang umano’y panggo-ghosting nito noon sa ex-girlfriend na si Bea Alonzo.
“Hindi mo pwede siyang i-generalize. Hindi porket nagawa mo noong una, magagawa mo ng pangalawa. Hindi naman. Ano ‘yan, eh, case to case basis,” ang paliwanag ni Dennis sa panayam ng ilang members ng press.
Baka Bet Mo: Dennis Padilla nagbabala kay Gerald Anderson: Papaalala ko lang sa’yo na ‘yang girlfriend mo, anak ko yan
Mukhang in love na in love naman daw sina Julia at Gerald sa isa’t isa kaya “unbothered” father ang drama niya at nakikita rin niya kung paano alagaan ng aktor ang panganay na anak nila ni Marjorie Barretto.
“After all these years, napatunayan niya na mahal niya ang anak ko at saka nakikita ko naman na talagang mahal niya ang anak ko kaya okay sa akin.
“Pagkatapos ng maraming kontrobersiya na ‘yan, mahal niya pa rin ang anak ko,” sey pa ni Dennis.
Para sa kanya, mas okay kung hindi na muna magpapakasal sina Julia at Gerald pero parang gusto na raw niyang magkaroon ng apo sa kanyang anak.
Baka Bet Mo: Dennis kay Gerald: Mas maipakikita mong mahal mo si Julia kung irerespeto mo ‘yung tatay niya
Nauna nang ibinalita ni Dennis na after ilang years ay binati uli siya ni Julia noong birthday niya at umaasa siya na magkakaayos din sila ng dalawa pa niyang anak kay Marjorie na si Claudia at Leon.
Samantala, feeling thankful naman ang veteran actor dahil sunud-sunod ang projects niya ngayon.
Bukod sa action-sitcom na “Walang Matigas na Pulis sa Matinik na Misis Season 2” sa GMA ay meron din siyang mga pelikula.
Natapos na niya ang romcom movie na “When Magic Hurts” na pinagbibidahan ng mga Kapamilya youngstars na sina Beaver Magtalas, Mutya Orquia at Maxine Trinidad na malapit nang ipalabas.
Kasama rin siya sa comeback project ni Sen. Robin Padilla na “Bad Boy 3” na ibang-iba raw sa tema ng unang dalawang franchise ng naturang action film.