Ronaldo Valdez at Janno Gibbs
MAY isang life lesson na natutunan si Janno Gibbs mula sa namayapa niyang ama na si Ronaldo Valdez na hanggang ngayon ay baon-baon niya.
Pahayag ng komedyante at TV host, ibang-iba raw ang veteran actor sa mga karaniwang tatay na mahigpit, istrikto at kinatatakutan ng kanilang mga anak.
Sa bagong vlog ng Kapamilya broadcast journalist na si Karen Davila natanong si Janno kung ano ang itinuro sa kanya ni Ronaldo noon na hanggang ngayon ay dala-dala niya.
“One was he always said that, sabi niya, children are some of the most oppressed people. Kasi nga ‘di ba ang usual Filipino father, kinakatakutan, stiff, hindi sweet, ‘di ba?” sey pa ni Janno.
Baka Bet Mo: Ronaldo binigyan ng tribute sa presscon: Nandito lang siya sa pali-paligid
“Siya, he’s the opposite of that. He’s very sweet. Touching siya. ‘I love you’ ganoon ang mga text namin.
“Beso-beso. Even at this age at kahit lalaki-to-lalaki, ‘di ba. So, I’m like that to my kids,” dugtong pa ng beteranong komedyante.
Naibahagi rin ng singer-actor na mukhang pinaghandaan talaga ni Ronaldo ang kanyang pagpanaw noong December 17. Siya ay 77 years old.
Muli, nabanggit ni Janno na nasa kabilang room lamang siya nang mamatay ang kanyang ama na natagpuang duguan sa kanyang sariling kuwarto.
“I was there. I was in the next room. I think he even made sure that I was sleeping. He knocked on my door, I was sleeping. I was taking a nap, hapon,” pagbabalik-tanaw ni Janno.
Baka Bet Mo: Ronaldo Valdez: Napakasarap kasama ni Kathryn tapos ang galing-galing pa, si Daniel naman para ko na talagang apo
Parang siniguro raw ng veteran actor na natutulog na siya bago siya nagpaalam.
“Sabi niya, ‘Oh, hindi ba tuloy yung lakad mo?’ Sabi ko, ‘Tuloy, kaso wala pa yung car. Wala pa yung driver.’ Sabi ko idlip muna ako. So, I think he made sure that I was sleeping,” kuwento ni Janno.
Dagdag pa ng komedyante, feeling nila gusto na talagang mamahinga ni Ronaldo dahil sa lumalala niyang health condition.
“I think it was spontaneous. I think he had a bad day or he was having bad days and he wanted to go on his own terms,” ani Janno.
Sa kabila ng biglang pagkamatay ni Ronaldo at sa traumatic experience ng pamilya, hindi raw siya nagi-guilty sa nangyari.
“Guilty, no, because I was taking care of him, I was with him everyday. So no guilt, no questions na what if I… what could have been. But I am deeply sad about it.
“Malagim na nga ‘yung nangyari, and then people added to it. The police, the netizens, the vloggers… put salt on our wounds,” sabi pa ni Janno.
Ito naman ang message niya sa namayapang ama, “I know he’s listening, so I’d like to say I hope you’re in a better place, no pain, and thank you for loving me.”