Ice walang arte-arte sa kissing scene nila ni Romnick: 'Hindi nga ako nag-tootbrush bago ko gawin ‘yun, eh!' | Bandera

Ice walang arte-arte sa kissing scene nila ni Romnick: ‘Hindi nga ako nag-tootbrush bago ko gawin ‘yun, eh!’

Ervin Santiago |June 06,2023
facebook
share this

Ice walang arte-arte sa kissing scene nila ni Romnick: ‘Hindi nga ako nag-tootbrush bago ko gawin ‘yun, eh!’

Ervin Santiago - June 06, 2023 - 07:35 AM

Ice walang arte-arte sa kissing scene nila ni Romnick: 'Hindi nga ako nag-tootbrush bago ko gawin ‘yun, eh!'

Romnick Sarmenta at Ice Seguerra

HINDI pala nagpaalam ang OPM icon na si Ice Seguerra sa kanyang asawang si Liza Dino na may kissing scene sila ni Romnick Sarmenta sa digital series na “Drag You & Me.”

Yes, may bonggang halikan sina Ice at Romnick sa nasabing serye na napapanood na ngayon sa iWantTFC na pinagbibidahan din nina Andrea Brillantes, Christian Bables at JC Alcantara.

Ito ang comeback acting project ni Ice makalipas ang ilang taon kung saan ginagampanan niya ang karakter ni Jam, ang transman na asawa ni Romnick na isa namang drag queen. Sila ang parents ng karakter ni Andrea sa serye.

Taong 2012 nang huling umakting sa harap ng mga camera ang singer-songwriter, ito’y sa hit Kapamilya afternoon series na “Be Careful With My Heart”, bilang si Kite.

 

View this post on Instagram

 

A post shared by Ice Diño Seguerra (@iceseguerra)


“Actually sobrang excited ako kasi it’s been a while since I had an acting role. Kung hindi ako nagkakamali, Be Careful With My Heart na napakatagal nang panahon hindi ba?

“And happy ako because, pagbalik ko sa TV makikita mo talaga na ang laki na ng ibinago ng landscape in terms of acceptance sa LGBT community,” ang pahayag ni Ice sa isang episode ng CinemaNews.

“I mean, the show itself Drag You And Me is it’s about the community and the families within the community. It’s a story about love relationships and how we encounter challenges and kung paano nilalampasan mo ‘yun.

“And nakakatuwa because I was tapped to do this and nagulat nga ako because I play the father because I am a transman. I play the father of Blythe Andrea Brillantes,” pahayag pa ni Ice.

 

View this post on Instagram

 

A post shared by Bandera (@banderaphl)


Kuwento pa niya sa nasabing panayam, “Siyempre ako ‘yung nagluwal sa kanya so ang partner ko dito is Romnick Sarmienta who is a gay man.

“So, makikita mo na ‘yun pa lang very intricate ang relationship of the different colors of the spectrum na nakikita natin dito sa Drag You And Me. So, happy ako and sobrang excited ako na kasama ako dito,” aniya pa.

Kahit na medyo napahinga siya sa pag-arte, hindi naman daw siya nahirapan sa mga eksena niya sa “Drag You & Me”,  “As long as for me it’s work, kaya siya and madali na siya.

“And nakakatuwa rin because what makes me feel very comfortable in the set is ‘yung mga kasamahan ko sa trabaho and I am very comfortable with kuya Romnick, it’s my first time to work with Blythe (Andrea),” sey ni Ice.

Puring-puri rin ng singer-actor si Andrea bilang aktres na first time niyang nakatrabaho, “I am really really impressed with her. You know, she knows her things, she knows her stuff.

Baka Bet Mo: Ice Seguerra, Romnick Sarmenta gaganap na magdyowa sa ‘Drag You & Me’, game na game sa kissing scene

“For a very young actress, alam niya kung ano ang character niya ultimo continuation ng damit, props or whatever, she knows it. So nakakatuwa. Of course, with Jon Santos na isang hinahangaan rin ng community natin.

“Ang sarap lang kasi you know kapag kasama mo ‘yung mga ganung klase ng mga artist ana mapagbigay, ‘yung mapagbigay sa mga eksena, parang hindi ka umaarte na parang normal sa buhay so hindi ako nahirapan at all,” aniya pa.

Samantala, tungkol nga sa kissing scene nila ni Romnick sa serye at sa iba pa nilang intimate moments bilang mag-asawa, “Hindi ako nahirapan paghandaan because I play a character, I’m an actor I play character.

“And sa serye namin na ‘yun, asawa ko siya si Romnick, so hindi siya mahirap mapababae yan lalake o ano pa man if its required with my character to do such thing and of course, asawa ko nga siya showing love, I will do it,” paliwanag ni Ice.

 

View this post on Instagram

 

A post shared by Bandera (@banderaphl)


“Anong paghahanda (ang ginawa ko)? Wala, ni hindi nga ako nag tootbrush bago ko gawin ‘yun eh. As is where is,” natatawang sey ni Ice.

Inamin din niya na hindi siya nagpaalam sa kanyang misis na si Liza na gagawa siya ng kissing scene, “Although hindi ko naipaalam sa asawa ko, nasabi ko sa kanya noong tapos na.

“Sabi ko sa kanya ‘Ay oo nga pala love, may kissing scene kami ni Kuya Romnick, pero inaasar niya ako sabi niya ‘Wow grabe kumi-kissing scene ka na talaga. Sabi ko, ‘Tiigilan mo nga ako, mas grabe ‘yung mga eksena mo ha.’

“So wala naman. Walang issue kay Liza because she’s a very good actress as well. And she knows it’s part of our job at safe siya kay Romnick,” chika ni Ice.

Romnick nasasaktan para sa kapwa-artistang binabastos sa socmed: ‘Ang dali sa inyong manghusga ng mga tao sa trabahong ‘to’

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Eleksyon hugot ni Romnick: Paano ba pumili ng kandidato? Gusto n’yo ba ng barumbado o pilosopo?

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending