SUV ng TV host winasak, nilimas

BINASAG ang salamin at ninakawan ang sasakyan ng TV host at aktor na si Robi Domingo habang nakaparada sa Quezon City Martes ng gabi.

Natangay ng hindi nakilalang salarin ang backpack ni Domingo na may lamang iPad, cellphone, at pera.

Nakaparada ang Toyota Fortuner (ROB 127) ng biktima malapit sa Events Place sa Tomas Morato nang basagin ng hindi nakilalang suspek ang salamin ng bintana sa passenger seat sa kanang bahagi ng sasakyan.

Isang birthday party ang kanyang dinaluhan sa lugar. Nadiskubre ni Domingo ang pangyayari pagbalik niya sa sasakyan alas-11 ng gabi.