Jodi, Richard, Joshua, Gabbi maswerteng napili para sa unang pagsasanib-pwersa ng GMA at ABS-CBN
SA kauna-unahang pagkakataon, gagawa ng kasaysayan sa mundo ng telebisyon ang pinakaaabangang pagsasanib-pwersa ng GMA 7 at ABS-CBN.
Ngayong araw, ibinandera ng dalawang TV Network ang kanilang historic co-production collaboration in partnership with Viu Philippines.
Ito nga ay para sa upcoming romantic-drama series na “Unbreak My Heart” na pagbibidahan ng mga Kapamilya stars na sina Joshua Garcia at Jodi Sta. Maria kasama ang mga Kapuso artists na sina Gabbi Garcia at Richard Yap.
Ayon sa joint official announcement ng GMA 7 at ABS-CBN, kukunan ang kabuuan ng nasabing teleserye sa Switzerland.
Naganap ang contract signing sa pagitan ng dalawang network ngayong araw sa ABS-CBN compound kasunod ang story conference para sa serye. Present doon sina GMA Senior Vice-President for Programming, Talent Management, Worldwide, and Support Groups Atty. Annette Gozon-Valdes, ABS-CBN COO of Broadcast Cory Vidanes, at Viu Philippines Deputy Country Manager Vinchi Sy-Quia.
“It’s a first for Philippine TV and I’m sure it’s the audience that will be the winners in this collaboration. We’re very excited to be working with ABS-CBN on TV for the first time,” pahayag ni Annette Valdes.
“We’re thankful for this opportunity and we’re very happy to work with GMA to serve our audiences. We unite as one team. We never imagined that this was going to happen,” sabi naman ni Cory Vidanes.
Sabi naman ni Viu Content Partnerships Head Garlic Garcia, “This is with a vision of bringing the best of the Filipino talent on-cam and off-cam to the world.”
Nagkomento rin ang magiging direktor ng serye na si Emmanuel Palo sa nasabing historic partnership ng GMA at ABS-CBN.
“It is my vision to create this drama that would engage our Kapamilya and Kapuso audiences,” aniya.
Sabi naman ng isa pang direktor ng show na si Dolly Dulu, “We want to showcase how good the collaboration of these actors are and the magic that we can create.”
Sey naman ni Jodi, “This collaboration will really bring in opportunities not only to the networks but for the people working in the network, for the people in the industry.”
Komento ni Richard, “This is the first time that two network giants will be working with each other. Of course, I’m also excited to be working with Jodi again and all the other people in the cast.”
“I’m really honored talaga na makasama dito, na pinili nila ako na maging parte ng proyektong ‘to. Excited ako na gawin ‘yung character,” ang sey naman ni Joshua.
Reaksyon ni Gabbi, “It’s my first time doing this kind of role. Grabe ‘yung growth and ‘yung depth ng character ko dito sa show na ‘to.”
Mapapanood ang “Unbreak My Heart” sa GMA, pati na rin sa Viu sa 15 territories ngayong 2023.
Related chika:
Star Magic, MavX Productions sanib-pwersa para sa 3 pasabog na pelikula sa pagpasok ng 2023
Showbiz couple posibleng mawasak din ang relasyon kapag nagkanya-kanya na ng diskarte sa career
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.