I-text kay Madam Sophia

Mula kay Jasyon Vendivil ng …9226 Gen San. April 22, 1987 ang birthday ko. Nag-aaplay ako bilang seaman, kailan kaya ako makakasampa sa barko.
Tugon ni Madam Sophia: Ayon sa birthday mong April 22, 1987 sa taong 2015 sa edad mong 28 pataas may isang mabunga at mabiyayang pagba-barkong itatala sa iyong kapalaran.
>>>
Mula kay Ms. Scorpio ng …3009, Bagbag, Novaliches, Quezon City. October 26, 1982 ang birthday ko. Kailan kaya ako magkaka-boyfriend at makapag-aasawa?
Tugon ni Madam Sophia: Ayon sa birthday mong October 26, 1982, sa taong 2015 sa edad mong 33 pataas magkaka-boyfriend ka na hanggang sa tuluyang makapag-asawa, hatid ng isang lalaking isinilang sa zodiac sign na Cancer.
>>>
Mula kay Smiley ng …7624 Tacloban City. Nag-aaral ako sa ngayon kaya lang marami akong problema sa mga subject ko at sa financial. Sa palagay nyo makakatapos kaya ako ng pag-aaral. At may alam po ba kayong pormula kung paano ako magtatagumpay at magiging maligaya sa buhay. September 13, 1995 ang birthday ko.
Tugon ni Madam Sophia: Ayon sa birthday mong September 13, 1995, kung susundin mo ang sarili mong kagustuhan, malamang na hindi ka makatapos ng pag-aaral, dahil ang gugustuhin mo ay maghinto na lang. Pero kung pikit-mata, na ang susundin mo ay ang kagustuhan ng iyong mga magulang kahit ayaw mo, sa ganoong paraan makakatapos ka ng pag-aaral. Ang mga taong may birthdate na September 13, 1995 ay mahilig kasing mag-rebelde at ayaw sumunod sa mga magulang na nagiging dahilan ng kanilang kabiguan. Kaya nga napaka-simple ng pormula upang ikaw ay magtagumpay, hindi lang sa pag-aaral kundi sa lahat ng aspeto ng iyong buhay. Ang pormula: Sumunod ka lang ng sumunod sa pinapagawa ng iyong mga magulang at makikita mo, sa ganyang paraan, tuloy-tuloy ka ng magtatagumpay, uunlad at magiging maligaya habambuhay.