Mike Tan naka-graduate na rin sa college, nagpasalamat sa mga kapwa artista na tumulong sa kanyang ‘research’
Mike Tan
PINATUNAYAN ng Kapuso leading man at celebrity dad na si Mike Tan na kering-keri niyang pagsabayin ang kanyang showbiz career, ang pagiging asawa at ama at ang pag-aaral.
Sa kabila ng kanyang pagtatrabaho at pagiging padre de pamilya, nagawa pa rin ng aktor na makatapos at makakuha ng college diploma.
Ibinandera ni Mike ang good news na ito sa publiko sa pamamagitan ng tatlong magkakasunod na post sa kanyang Instagram account kamakailan.
Aniya, finally ay natapos na niya ang kanyang kursong Psychology sa Arellano University.
Sa una niyang IG post, makikita si Mike na nakatayo sa tabi ng computer screen kung saan makikita ang litrato niya na naka-toga. Ito rin yung araw nang kanilang virtual graduation. Aniya sa caption, “FINALLY!!! #virtualgraduation.”
Sa ikalawa niyang litrato, makikita naman ang aktor na nakasuot ng Barong Tagalog kalakip ang kanyang pagpapasalamat sa lahat ng tumulong para matupad ang kanyang pangarap na maka-graduate sa kolehiyo.
View this post on Instagram
Isa sa mga pinasalamatan niya ay ang kanyang manager na Vic del Rosario ng Sparkle (talent management ng GMA).
“I am grateful to God for His presence, provision, and His pipelines of grace, like: my manager Boss Vic @bossenteng, Gerald @gehgehc my handler, my professor friend Jules @pleurotus_djamor, my high school teacher Ms. Aida Reyes-Guloy, and my best friend AJ @iamannejohanna who all helped me with my initial enrollment requirements.
“Our ETEEAP coordinator Ms. Faye Palanca who patiently assisted me from the start till the end of the school year; my supportive and helpful classmates Des Ygot @dess_ert, JM Santos, our class president Christopher Jalbuena; all our university professors at AU; my thesis adviser Dr. Jinamarlyn Doctor for her encouragement and guidance; the thesis defense panelists Dr. Paulo Macapagal and Dr. Hazel Martinez whose insights helped improve my research.
“All my fellow actors and celebrities who eagerly participated in my research; my parents and siblings; my wife Cris and my daughters Tori and Prisci who inspired me to go through this program (despite the pandemic) and finally receive my college degree–I THANK THE LORD FOR ALL OF YOU,” mensahe pa ni Mike.
Sa ikatlo naman niyang post, all-smiles naman si Mike habang hawak ang kanyang graduation cake na may caption na, “WAY TOO HAPPY (emojis). #virtualgraduation.”
Bumuhos naman ng congratulatory message sa comments section ng mga IG post ng StarStruck Ultimate Male Survivor mula sa kanyang fans at celebrity friends.
Ilan sa mga Kapuso stars na bumati kay Mike ay sina Yasmien Kurdi, Valerie Concepcion, Benjamin Alves, Thea Tolentino, Joyce Ching, Kevin Santos at Maricris Garcia.
Mike Tan shocked pa rin sa pagkamatay ni Phillip Lazaro; inalala ang ‘nakakadiring’ eksena sa taping
Cassy umaming dream partner si Alden; excited na sa pagiging bagong ‘baby’ ni Rhea Tan
Ina Alegre pinahirapan nang bonggang-bongga ni Direk Buboy Tan sa ’40 Days’
Migs Villasis lumaki sa tropa ng Buble Gang; Kimson Tan gustong maging action star
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.