Genesis Gallios, Pauleen Luna, Vic Sotto at Tali Sotto
TALAGANG kasama lagi sa mga ipinagdarasal ng celebrity couple na sina Vic Sotto and Pauleen Luna na makabuo pa sila ng isang baby.
Gustung-gusto pa raw nina Bossing at Poleng na magkaroon ng pangalawang anak para mabigyan din ng baby brother or baby sister ang panganay nilang si Tali.
Sa nakaraang mediacon ng NET25 kung saan mapapanood ang bagong show ng pamilya Sotto na “Love Bosleng And Tali”, natanong nga mag-asawa kung may balak pa silang sundan si Tali.
Sagot ni Pauleen, “Kung ibibigay naman ni Lord, then, of course, I want.
“But you know, we’re very happy with Tali and she’s been praying for a baby sibling. But siguro, we’ll just pray harder. But kami naman, whatever goes, okay naman,” sey pa ng celebrity mommy.
Chika naman ni Bossing game na game pa rin siyang sundan si Tali, “Kaya pa naman. Ha-hahaha! Isa lang naman ang problema, si Tali, laging nasa gitna namin.”
* * *
Magarbo ang magiging selebrasyon ng kaarawan ng entertainment guru at tinaguriang Queen of Entertainment Bar na si Genesis Gallios.
Magkakaroon siya ng birthday dinner show entitled “Reign na gaganapin sa Manila Hotel, Centennial Hall sa October 1, 7 p.m..
Ito ay handog ng Gergall Events and Talent Management, sa direksyon ni Mak de Leon.
Tampok sa show sina Xian Lim, Vin Abrenica, Madam Inutz at Ima Castro. Nandoon din ang Junior New System, Pink Mannequins, Gents Squad, Breezy Boys at ilan pang surprise guests.
Para sa ibang detalye tumawag lang sa 09267212369.
Si Mommy Gen ay kilala ring director, producer, pageant host at co-owner/Director ng Apollo World Class Male Entertainment & KTV Bar at The One 690.
https://bandera.inquirer.net/324839/bossing-pauleen-payag-agad-sa-pag-aartista-ni-tali-shes-very-funny-nakakatawa-siya-at-gusto-talaga-niya
https://bandera.inquirer.net/318229/pauleen-bossing-kinakarir-ang-paggawa-ng-2nd-baby-gusto-talaga-naming-magkaroon-ng-kapatid-si-tali
https://bandera.inquirer.net/324317/ricci-rivero-tinamaan-nang-bonggang-bongga-kay-andrea-brillantes-viral-proposal-sa-uaap-season-84-may-sablay
https://bandera.inquirer.net/301778/pauleen-may-tanging-dasal-para-kay-tali-pinuri-ang-pakikipag-usap-sa-security-guard