SA kauna-unahang pagkakataon ay ipinasilip ni Julia Barretto ang naipundar niyang bahay sa kanyang fans at social media followers.
Ayon sa dalaga, ang pag-aari niyang bahay ay resulta ng ilang taon niyang pagtatrabaho sa entertainment industry mula pa noong bata pa siya.
Sa latest vlog ng news anchor na si Karen Davila, sinabi ni Julia na talagang nag-hire siya ng interior designer at architect para mabuo ang kanyang dream house.
Siniguro niya na ang lahat ng mga gamit na ilalagay sa kanyang bahay ay talagang gustung-gusto niya at babagay sa personalidad niya.
Tatlong taon na siyang naninirahan dito, “We started building this home when I was 19, finished when I was 22, and now I’m 25.”
Karamihan sa mga naka-display na home accents sa bahay ng girlfriend ni Gerald Anderson ay galing daw sa Baguio.
“It’s the best. Kasi para rin akong old soul. I like modern tapos meron ding old touch, vintage pieces,” aniya pa.
Proud ding ibinandera ni Julia na karamihan sa kagamitan niya ay gawang Pilipinas, partikular na sa kanyang dining area.
“When you build hour house with quality materials, mas magla-last siya at mas konti ‘yung gastos in the long run.
“So sabi ko, I’ll invest in really good quality furniture. Everything was budgeted, but I didn’t want to… ayokong ma-compromise ‘yung magiging life ko rito sa first house ko,” chika pa ng aktres.
Pinakapaborito raw ng dalaga ang kanyang living area kung saan lagi siyang nagbabasa ng libro at nagpapahinga pagkatapos magtrabaho.
Samantala, ipinakilala rin ni Julia ang nag-iisa niyang helper sa bahay, si Annabelle na katuwang niya sa pagluluto at paglilinis.
“I only have one house help and nagtutulungan kami rito,” sey ni Julia habang ipinakikita ang mga gamit niya sa kitchen.
Pag-amin pa niya, “Growing up, we had to move to 14 houses, all rentals, because we never owned a home.
“At the time, my parents were struggling, my mom was struggling. Ang dami kong dreams noong bata ako na hindi ko na-fulfill because we didn’t have enough money to keep going.
“We didn’t always have it easy and that is also why I started working at a really young age,” sabi pa ni Julia.
“Mom was able to buy a townhouse for our family. We all had to sleep in one room, or sleep with mom. But you know, we never really had that self-pity mentality. We were always very intact as a family,” lahad pa niya.
https://bandera.inquirer.net/289479/yassi-ipinatatayo-na-ang-dream-house-dimples-ibinandera-ang-kaseksihan
https://bandera.inquirer.net/318327/andrea-brillantes-tumira-noon-sa-squatters-area-bata-pa-lang-naranasan-ko-na-lahat-ang-hirap-kumita-ng-pera
https://bandera.inquirer.net/316038/ogie-diaz-pinayuhan-sina-zeinab-at-skusta-wag-nang-idamay-ang-anak-sa-iskandalo
https://bandera.inquirer.net/316810/ion-perez-namigay-ng-ayuda-sa-mga-kababayan-sa-tarlac-may-pa-bigas-na-may-pa-lugaw-at-libreng-gupit-pa