Jodi Sta. Maria at Coco Martin
NGAYON pa lang ay inaatake na ng nerbiyos ang award-winning Kapamilya actress na si Jodi Sta Maria sa unang pagkakataong magkakasama sila ni Coco Martin sa isang pelikula.
Sila ang bibida sa 2022 Metro Manila Film Festival entry na “Labyu With An Accent” under Star Cinema kung saan si Coco rin ang magiging direktor.
“Yes oo. Hindi ko alam. Actually kasi siguro mas kinakabahan,” ang pahayag ni Jodi sa panayam ng ABS-CBN.
Actually, ilang beses nang nagkasama sina Coco at Jodi sa pictorial at TV commercial shoot para sa mga ineendorso nilang produkto pero ito ang unang pagsasama sa isang acting project.
“May isang beses na nagkasama kami ni direk sa pictorial and then of course siyempre magtatrabaho kami hindi lang bilang artista, pero magiging director ko siya.
“So I had to ask questions talaga ano ‘yung working style niya, kasi siyempre kailangan kong mag-adjust doon.
“Ultimo kung anong oras ba siya nagigising, para alam ko kung anong oras ba kami dapat nasa-set makapag-prepare at ma-adjust ko ang tulog ko,” sey ni Jodi sa nasabing interview.
Sabi pa ng premyadong Kapamilya actress, magkahalong excitement at kaba ang nararamdaman niya sa nalalapit na shooting nila ni Coco at looking forward din siyang ma-experience ang style ni Coco bilang direktor.
“Tulad nga ng sabi niya na buhay ang istorya so hindi siya nakakahon which means na there will be time and moments na ‘ito ang scene, sabihin mo kung ano ang gusto mong sabihin as your character and then magbatuhan na lang tayo.’
“So, parang ako ‘yung, ‘oh that’s nice’, kasi at the same time nakakakaba,” chika pa ni Jodi
Dagdag pa niya patungkol sa directing style ni Coco, “Ako naman ang training ko sa industry was sobra akong naka-stick sa script naman, ‘yun kasi ang training ko na babasahin ko tapos ‘yung mga lines, lalagyan ko ng kung anong emosyon dito and underlying context nito.
“Pero wine-welcome ko rin ang challenge to be working with the kind of style na as direk Coco has,” sabi pa ni Jodi.
Iikot ang kuwento ng “Labyu With An Accent” sa karakter ni Gabo played by Coco na isang masipag na binata at isang OFW sa Amerika na si Trisha na gagampanan ni Jodi.
Sa US kukunan ang ilang highlights ng movie kaya lilipad ang cast at production patungo roon sa unang linggo ng Oktubre.
https://bandera.inquirer.net/303073/jodi-inatake-ng-psychological-sepanx-after-ng-lock-in-taping-sa-baguio-nasa-real-world-na-ba-ako
https://bandera.inquirer.net/300675/beatrice-gomez-umaming-inatake-ng-nerbiyos-sa-qa-ng-2021-miss-u-but-i-believe-i-did-well
https://bandera.inquirer.net/313520/paolo-inatake-ng-nerbiyos-sa-bubble-gang-revamp-mas-maraming-pasabog-ngayong-2022
https://bandera.inquirer.net/306656/kris-bernal-inaatake-ng-sepanx-matapos-sumabak-sa-nakakalokang-lock-in-taping