Kice, Chito Miranda at Neri Miranda
TALAGANG certified fan ng “Idol Philippines” ang aktres at negosyanteng si Neri Miranda dahil bawat episode nito ay parang hindi niya pinalalampas.
In fairness, sa dami ng trabaho niya bilang wifey at mommy, idagdag pa ang pagiging hands-on businesswoman, ay nagagawa pa rin niyang manood ng “Idol Philippines” sa ABS-CBN.
Well, bukod nga sa isa sa mga judge sa talent show ng Kapamilya Network ang asawa niyang si Chito Miranda, talagang nag-i-invest siya ng time and emotions sa mga contestants.
Kamakailan lang ay gumawa pa siya ng open letter para kay Kice matapos ang naging performance nito sa nakaraang episode ng “Idol Philippines.” Ipinost ito ni Neri sa kanyang Facebook page.
“Dear Kice,
“Una sa lahat, napaka cute mong bata ka! Supeeeer! Ikaw yung tipong crush ng bayan sa school, hahahaha! Natutuwa talaga kaming lahat kapag nakikita ka namin sa tv.
“Para kang si Donny (Pangilinan). Pareho kayong gwapo at mukhang mabait. Maganda talaga rehistro mo sa camera.
“Hindi ka man pang Idol Ph kase aminin na natin, magagaling talaga mga kasabayan mo. Pero naniniwala ako na it is your time to shine.
“Feeling ko magiging isa ka sa mga superstars. Excited na akong makita ka sa Asap o may sariling serye at pelikula. Kakaladkarin ko asawa ko para manood sa pelikula mo, hihi!
“Mas magaling man ang iba sa’yo… pero naniniwala ako na ngayon ka bine-bless ni Lord. Embrace it. Para sa ‘yo talaga yan…Wow, Judge Neri???!
“P.S. wag nyong i-bash si Kice. Maraming magtatanggol na Ate at Tita.. isa na ako dun, hihi! Be Nice lang po sa lahat,” ang kabuuang pahayag ni Neri.
Sa nakaraan ngang live episode ng Kapamilya talent show, nagpakatotoo ang mga huradong sina Chito at Moira dela Torre.
“Hindi ikaw yung best singer sa competition na ito. Pwede ko pa nga sabihin na ikaw yung least na pinakamagaling dito.
“Pero, whenever you perform, I’ll always look forward to it. And I end up smiling. Pero hindi dahil dinaan sa pogi. Yung charisma na yan is very important to a performer,” komento ng Parokya ni Edgar vocalist.
Sey naman ni Moira, “I won’t say you’re the next Sam Milby, or James Reid or Donny. Hindi ko sasabihin yun. I also don’t know if you’re gonna be the next winner of Idol Philippines.
“Hindi natin alam. But I do know this, you are the next big thing and the Philippines is obviously very ready for you,” sey naman ni Moira.
Chito muling pinuri ang asawa: Napakaganda ni Neri, medyo weird, pero sobrang bait!
Hugot ni Neri para kay Chito: Wala talagang bilib ‘tong asawa ko sa akin, kontra bulate na naman!